ენრიკე: "ყოველდღე ვპროგრესირებთ"

"ბარსელონას" მთავარმა მწვრთნელმა, ლუის ენრიკემ ესპანეთის პრიმერა დივიზიონის მე-20 ტურის მატჩთან დაკავშირებით ჟურნალისტებს მოლოდინი გაუზიარა. ესპანელმა სპეციალისტმა სხვა საკითხებიც მიმოიხილა.

"საინტერესოა, თუ როგორ შეიცვალა დინამიკა. სამი კვირის წინ პრეს-კონფერენცია დაკრძალვას ჰგავდა, ახლა კი ყველაფერი პირიქითაა. ჩემთვის მხოლოდ "ბეტისთან" მატჩია მნიშვნელოვანი. სამი ქულა გვჭირდება, მათი მოპოვების შემდეგ კი ლიდერთა შეცდომას დაველოდებით.

"ბარსელონასა" და "ატლეტიკოსთვის" ეს მძიმე 1/2 ფინალი იქნება. ორივე გუნდს მომდევნო ეტაპზე გასვლა სურს. არსებობს წარმატებისა და წარუმატებლობის პერიოდი. იშვიათად ვისვენებთ. დრო სწორად უნდა გადავანაწილოთ. გვიხარია, რომ წინ ბევრი შეხვედრა გველის. ეს იმაზე მეტყველებს, რომ ყველაფერს სწორად ვაკეთებთ.

კლუბის მიერ ნაჩვენები თამაში, ბოლო 10 წლის განმავლობაში, თავდაჯერებულობას გვმატებს. ყოველდღე ვპროგრესირებთ და არ ვფიქრობ, რომ მეორე წრის დასაწყისი ძალიან მნიშვნელოვანია. ყველა გუნდი დაკარგავს ქულებს სეზონის დასრულებამდე.

"ბარსელონასთან" კონტრაქტს ძალიან ვაფასებ."-განაცხადა ენრიკემ.