AS: "ბარსელონას" ორი პრიორიტეტული ვარიანტი აქვს
"ბარსელონას" მთავარ მწვრთნელს, ლუის ენრიკეს კვლავ არ მიუღია გადაწყვეტილება კონტრაქტის გახანგრძლივებასთან დაკავშირებით. ამის გამო კატალონიური კლუბი ესპანელი სპეციალისტის შემცვლელს აქტიურად ეძებს, რომლის კონტრაქტი მიმდინარე სეზონის ბოლოს იწურება.
AS-ის თანახმად, "ბლაუგრანას" თავკაცის საბოლოო პასუხი უცნობია. გასული ორი წლის განმავლობაში ის ზუსტად ასე იქცეოდა, მაგრამ ახლა ესპანეთში გაჩნდა ეჭვი იმასთან დაკავშირებით, რომ მიმდინარე სეზონი ენრიკესთვის ბოლოა "კამპ ნოუზე".
ჭორების თანახმად, "ბარსელონა" უკვე ახალი მწვრთნელის ძებნაზეა კონცენტრირებული. პრიორიტეტულ ვარიანტებად "სევილიას" დამრიგებელი, ხორხე სამპაოლი და ლუის ენრიკეს ასისტენტი, კარლოს უნსუე ითვლებიან.
ადრე მედიამ დაწერა, რომ მაურისიო პოჩეტინო ("ტოტენჰემი") და რონალდ კუმანი ("ევერტონი"), პრეტენდენტთა სიაში შედიან.
ამ სიახლეზე კომენტარები გათიშულია.
კომენტარები [ 14 ]