ფორლანი: "სუარესი საუკეთესო ცხრიანია"
მადრიდის "ატლეტიკოსა" და "მანჩესტერ იუნაიტედის" ყოფილმა თავდამსხმელმა, დიეგო ფორლანმა ლუის სუარესისა და ლიონელ მესის შესახებ ისაუბრა. წარსულში ცნობილ ურუგვაელს ეჭვი არ ეპარება, რომ არგენტინელი საუკეთესოა. მან აღნიშნა თუ როგორ განვითარდა მისი თანამემამულე.
"ეჭვგარეშეა, რომ მესი მსოფლიოში საუკეთესო ფეხბურთელია. სხვა მოთამაშეებზეც შეიძლება ყურადღების გამახვილება. კრიშტიანუ რონალდუ, ნეიმარი და სუარესი თავიანთ გუნდებში მნიშვნელოვან როლს თამაშობენ, მაგრამ არგენტინელი ყველაზე მაღლა დგას.
სუარესი საუკეთესო ცხრიანია. ის ძალიან კარგ მდგომარეობაშია და იცავს ნომერ პირველი კლუბის ღირსებას შესანიშნავ მოთამაშეებთან ერთად. ლუისმა დიდი პროგრესი განიცადა, როგორც ფიზიკური მომზადების მხრივ, ასევე პიროვნული თვალსაზრისით." - ციტირებს ფორლანის სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 2 ]