"ელ კლასიკოს" კლოს გომესი განსჯის
3 დეკემბერს, "კამპ ნოუზე" "ელ კლასიკო" გაიმართება. შეხვედრის მთავარი არბიტრი კარლოს კლოს გომესი იქნება.
Cadena COPE იტყობინება, რომ კარლოს კლოს გომესი პრიმერა დივიზიონში "ბარსელონასა" და "რეალის" დაპირისპირებას პირველად უმსაჯებს. კოპა დელ რეისა და ესპანეთის სუპერ თასის ფინალში მას მონაწილეობა მიუღია.
კარლოს კლოს გომესის პირველი "კლასიკო" (ესპანეთის სუპერ თასის ფინალი, 2012 წელი) "ბარსელონას" გამარჯვებით დასრულდა, ანგარიშით 3:2. განმეორებითი მატჩი "ბერნაბეუზე" მადრიდელებმა მოიგეს, 2:1.
გომესის მეორე "კლასიკო" მადრიდში გაიმართა (კოპა დელ რეი). ხორდი როურას "ბარსელონამ" "სანტიაგო ბერნაბეუზე" "რეალთან" მატჩი ფრედ, 1:1 დაასრულა.
კლოს გომესმა პრიმერა დივიზიონში "ბარსელონას" მიერ გამართულ 20 მატჩში იმსაჯა. აქედან 17-ჯერ კატალონიურმა კლუბმა გამარჯვება მოიპოვა, დანარჩენ შემთხვევებში შეხვედრა ფრედ დასრულდა.
ამ სიახლეზე კომენტარები გათიშულია.
კომენტარები [ 8 ]