რაფინიას 5-დან 5

"ბარსელონას" ბრაზილიელ შემტევს, რაფინია ალკანტარას, ესპანეთის ჩემპიონატის მიმდინარე გათამაშებაში, შესაშური შედეგი აქვს. 23 წლის ფეხბურთელის დარტყმის აღებას ვერცერთი მეკარე ახერხებს.

შაბათს, "ბარსელონასა" და "გრანადას" შორის გამართულ შეხვედრაში, ერთადერთი გოლი რაფინიამ გაიტანა. ბრაზილიელს, პრიმერას მიმდინარე გათამაშებაში, უკვე 5 ბურთი დაუგროვდა. ის, ბომბარდირთა დავაში ლიდერ მესისა და ლუის სუარესს 2-2 გოლით ჩამორჩება.

საინტერესოა, რომ ესპანეთის ჩემპიონატის მიმდინარე გათამაშებაში, რაფინიამ ბურთი კარის ჩარჩოში მხოლოდ 5-ჯერ მოახვედრა, მაგრამ მისი ხუთივე ეს დარტყმა საგოლე აღმოჩნდა.

რაფინია, ევროპის წამყვანი ჩემპიონატების მასშტაბით, საუკეთესოა დარტყმებისა და გოლების შეფარდებით. თუ არაზუსტ დარტყმებსაც მივათვლით, ბრაზილიელის შედეგი 83% არის. ანუ, რაფინიას დარტყმების 83% გააქვს.