ტერ შტეგენისთვის დღევანდელი მატჩი ძალიან მნიშვნელოვანია
კატალონიის "ბარსელონას" გერმანელი მეკარე, მარკ-ანდრე ტერ შტეგენი "სელტას" წინააღმდეგ დაშვებული შეცდომების დავიწყებას ცდილობს. მან მიმდინარე სეზონში, ესპანეთის ჩემპიონატში მხოლოდ ორჯერ შეინახა კარი მშრალად, შესაბამისად დღევანდელი მატჩი "დეპორტივოსთან", "ბლაუგრანას" კიპერისთვის ძალიან მნიშვნელოვანია.
თავდაპირველად მან "ბალაიდოსზე" ბუსკეტსს გაუკეთა არაზუსტი გადაცემა და გამოუვალ მდგომარეობაში ჩააგდო, მატჩის მიწურულს კი თავად ჩააბარა ბურთი მეტოქეს და მე-4 გოლი გაუშვა. ამან ტერ შტეგენი კრიტიკის ქარცეცხლში გაახვია.
გერმანელმა კიპერმა უარყოფითი შედეგი საკუთარ თავზე აიღო. დაშვებული შეცდომები, მას სასურველზე დიდი ხნით დაამახსოვრდა.
მიუხედავად დაშვებული შეცდომების სერიოზულობისა, თანაგუნდელებმა ტერ შტეგენს მხარი დაუჭირეს. ყველა ხვდება, თუ რამდენად მნიშვნელოვანი ფიგურაა მარკ-ანდრე გუნდისთვის და რამდენად დიდ როლს თამაშობს "ბლაუგრანას" სათამაშო ფილოსიფოაში.
"დეპორტივოსთან" მატჩის შემდეგ, "ბარსელონა" "სიტის" დაუპირისპირდება. ტერ შტეგენმა დღეს კარი მშრალად უნდა შეინახოს, რომ გაცილებით სერიოზულ მეტოქეს კარგი განწყობით დახვდეს.
ამ სიახლეზე კომენტარები გათიშულია.
კომენტარები [ 6 ]