14 მოსული, 12 წასული და 8 "გადარჩენილი"
მას შემდეგ, რაც ლუის ენრიკე "ბარსელონას" მთავარი მწვრთნელი გახდა, ასტურიელმა ხელი გუნდის ძირეულად გადახალისებას მიჰყო. შედეგად, 2 წლის განმავლობაში, კატალონიური გუნდი 12-მა ფეხბურთელმა დატოვა, ხოლო შენაძენთა რაოდენობა თოთხმეტია. 2014 წლის ზაფხულში გუნდში მყოფი ფეხბურთელებიდან დღემდე მხოლოდ 8 თამაშობს, რაც გუნდის 32%-ს შეადგენს.
შემადგენლობის ასეთი გადახალისება გუნდზე უარყოფითად არ აისახება. ლუის ენრიკეს მოსვლის შემდეგ, "ბარსამ" 10 შესაძლო ტიტულიდან 8 მოიგო.
ასტურიელმა სპეციალისტმა, ტრანსფერებში 332 მილიონი ევრო დახარჯა, ბონუსების სახით კიდევ 61 მილიონის დამატების პერსპექტივით. კატალონიელებმა, ამ დროის განმავლობაში, ფეხბურთელების გაყიდვით, 59.6 მილიონი გამოიმუშავეს. მისაღები ბონუსების ოდენობა კი 15 მილიონია.
გთავაზობთ იმ ტრანსფერებს, რომლებიც ლუის ენრიკემ განახორციელა:
მოვიდნენ (14)
2014 - მარკ-ანდრე ტერ შტეგენი, ივან რაკიტიჩი, ლუის სუარესი, რაფინია ალკანტარა, ჟერემი მატიე, ხორდი მასიპი.
2015 - არდა თურანი, ალეიშ ვიდალი.
2016 - დენის სუარესი, იასპერ სილესენი, პაკო ალკასერი, ლუკა დინი, ანდრე გომეში, სამუელ უმტიტი.
წავიდნენ (12)
2015 - მარტინ მონტოია, პედრო როდრიგესი, ჩავი ერნანდესი.
2016 - დანი ალვესი, კლაუდიო ბრავო, მარკ ბარტრა, მუნირ ელ ჰადადი, სანდრო რამირესი, ადრიანო კორეია, სერხი სამპერი, ტომას ვერმალენი, დუგლას პერეირა.
გუნდში დარჩნენ (8)
ანდრეს ინიესტა, ლიონელ მესი, ხერარდ პიკე, სერხიო ბუსკეტსი, ხავიერ მასკერანო, ხორდი ალბა, ნეიმარი, სერჟი რობერტო.
ამ სიახლეზე კომენტარები გათიშულია.
კომენტარები [ 10 ]