აგენტი: "ნეიმარი "ბარსელონაში" თავს ძალიან კარგად გრძნობს"
"ბარსელონას" ვარსკვლავის, ნეიმარის აგენტი ვაგნერ რიბეირო თავისი კლიენტის "პარი სენ ჟერმენში" შესაძლო გადასვლაზე გავრცელებულ ჭორებს ეხმაურება. აგენტის განცხადებით, 24 წლის ბრაზილიელი კატალონიურ კლუბში თავს ძალიან კარგად გრძნობს.
"ნეიმარს კონტრაქტი 2018 წლამდე აქვს. ის "ბარსელონაში" თავს ძალიან კარგად გრძნობს. ბრაზილიელი კატალონიურ კლუბში გულშემატკივრების საყვარელი ფეხბურთელი და მსოფლიოს საუკეთესო გუნდის ნაწილია. თუმცა, პარიზში ცხოვრების პერსპექტივა და პსჟ-ს მსგავს კლუბში თამაში ყველა ფეხბურთელის ოცნებაა.
ვნახოთ, რა მოხდება რამდენიმე წლის შემდეგ, როდესაც ჩემს კლიენტს კონტრაქტი ამოეწურება. თუ პსჟ-სგან შემოთავაზებას მივიღებთ, მის განხილვას ყოველთვის შევძლებთ.
ტრანსფერი შეიძლება მანამდეც განხორციელდეს, თუ პარიზელები ნეიმარში გამოსასყიდ თანხას, 193 მილიონ ევროს გადაიხდიან. არ ვფიქრობ, რომ ეს თანხა პსჟ-სთვის დაუძლეველი პრობელმა იქნებოდა".
ამ სიახლეზე კომენტარები გათიშულია.
კომენტარები [ 16 ]