პეპე: "ზიდანისთვის "კლასიკოს" მოგება ბევრს ნიშნავს"

მადრიდის "რეალის" ცენტრალური მცველი პეპე ესპანეთის ჩემპიონატის 31-ე ტურში გამართულ "ელ კლასიკოს" ეხმაურება. მისი თქმით, ზინედინ ზიდანისთვის ეს გამარჯვება ბევრს ნიშნავს.

"ჩვენთვის ეს ძალიან მნიშვნელოვანი გამარჯვებაა, გულშემატკივრებისთვის კი - განსაკუთრებული. ვაჩვენეთ, რომ "რეალი" ყოველთვის "რეალად" რჩება. თუმცა, რეალისტები უნდა ვიყოთ - ჩემპიონობა ძალიან გაგვიჭირდება, "ბარსელონასთან" ჩამორჩენა დიდია. ჩვენ ვაჩვენეთ ხასიათი, შემართება და გუნდური თამაში. ზიდანისთვის ეს გამარჯვება ბევრს ნიშნავს. ეს მოგება ჩემპიონობის იმედს გვაძლევს".