Bild: "ბარსელონა" ალაბას აკვირდება
დიდი ალბათობით, მიმდინარე წლის ზაფხულში კატალონიელები დაცვის ხაზს გააძლიერებენ.
როგორც ჩანს, "ბარსელონას" ხელმძღვანელობას გერმანული სატრანსფერო მარკეტი აინტერესებს. მოგეხსენებათ, რამდენიმე დღის წინ სპორტული დირექტორი არიედო ბრაიდა ბუნდესლიგის ერთ-ერთ შეხვედრაში, სადაც დორტმუნდის "ბორუსია" მიუნხენის "ბაიერნს" მასპინძლობდა, ტრიბუნებზე დააფიქსირეს.
თავდაპირველად, გაჩნდა მოსაზრებები, რომ იტალიელი ილკაი გიუნდოგანზე, ჟულიან ვეიგლსა და პიერ-ემერიკ ობამეიანგზე აწარმოებდა დაკვირვებას. თუმცა, როგორც გერმანული გამოცემა Bild იუწყება, ბრაიდას არც მიუნხენელი ფეხბურთელები დაუტოვებია უყურადღებოდ.
არიედო ბრაიდა "ბაიერნის" განაპირა მცველს, დავიდ ალაბას აკვირდებოდა, რადგან კატალონიელებს სწორედ ამ პოზიციის გაძლიერება სურთ. დანიელ ალვესს ჩინეთიდან აქვს შემოთავაზებები. აგრეთვე, ზაფხულში არც ადრიანო კორეირას წასვლაა გამორიცხული.
ამ სიახლეზე კომენტარები გათიშულია.
კომენტარები [ 77 ]