აგუერო: "მესის ვუთხარი, რომ მანჩესტერი იდეალური ქალაქია"
"მანჩესტერ სიტის" არგენტინელი ვარსკვლავი სერხიო აგუერო კიდევ ერთხელ გამოთქვამს სურვილს, რომ "ბარსელონაში" მოთამაშე მისი თანამემამულე ლიონელ მესი მანჩესტერულ გუნდში გადავიდეს.
"მესიმ იცის, რომ მანჩესტერში ზღვის სანაპირო არაა. მას ვუთხარი, რომ დროის უდიდეს ნაწილს სახლში ვატარებთ.
ინგლისში ფეხბურთს სამ დღეში ერთხელ თამაშობენ. მატჩებს შორის მხოლოდ საკვების მიღებასა და დასვენებას ვასწრებთ. ამის გამო, ამინდს დიდი მნიშვნელობა არ აქვს.
ლეოს ვუთხარი, რომ მანჩესტერი უბრალოდ იდეალური ქალაქია. აქ შეგიძლია მთელი დღე სახლში იჯდე, ფეხბურთი ყოველ სამ დღეში ერთხელ ითამაშო. შეგვიძლია ჩვენ ერთმანეთი ვნახოთ ხოლმე, დავლიოთ მატე (სამხრეთ ამერიკული სასმელი) და ფეხბურთი ერთად ვითამაშოთ." - განაცხადა აგუერომ.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]