"ბარსელონა", მესი და ლუის ენრიკე ECA-ს პრიზებისთვის იბრძოლებენ
Globe Soccer Award-მა ის ფეხბურთელები დაასახელა, რომლებიც ევროპული კლუბების ასოციაციის (ECA) ვერსიით წლის საუკეთესო მოთამაშის წოდებისთვის იბრძოლებენ. ესენი ლიონელ მესი, კრიშტიანუ რონალდუ და ჯანლუიჯი ბუფონი არიან.
ასევე დასახელდნენ წლის საუკეთესო მწვრთნელობის კანდიდატებიც. "ბარსელონას" წარმომადგენელი აქაც ჰყავს - ლუის ენრიკეს კონკურენციას ანტონიო კონტე (იტალიის ნაკრები) და მარკ ვილმოტსი (ბელგიის ნაკრები) გაუწევენ. "ბარსელონა" წლის საუკეთესო კლუბის წოდებისთვისაც იბრძოლებს. კატალონიელების მეტოქეები "იუვენტუსი", "პარი სენ ჟერმენი", "ბაიერნი" და "დნეპრი" არიან.
საუკეთესოებს სპეციალური ჟიური გამოავლენს, რომელშიც, სხვებთან ერთად, დემეტრიო ალბერტინი, ფაბიო კაპელო, ანტონიო კონტე, ლუიშ ფიგუ, ადრიანო გალიანი და ნიკოლა რიცოლი შედიან. დაჯილდოების ცერემონია 28 დეკემბერს გაიმართება.
ამ სიახლეზე კომენტარები გათიშულია.
კომენტარები [ 6 ]