ფიგუ: "ოქროს ბურთისთვის" მესი და რონალდუ იბრძოლებენ"

ლეგენდარული პორტუგალიელი ფეხბურთელი ლიუშ ფიგუ, რომელსაც "ბარსელონაშიც" უთამაშია, აცხადებს, რომ "ოქროს ბურთისთვის", როგორც ყოველთვის, "ბარსასა" და "რეალის" ვარსკვლავები, ლიონელ მესი და კრიშტიანუ რონალდუ იბრძოლებენ.

"არ ვიცი, ვინ მოიგებს "ოქროს ბურთს". დიახ, ხმის მიცემის უფლებაც არ მაქვს. თუმცა, ვფიქრობ, რომ ბრძოლა, როგორც ყოველთვის, მესისა და რონალდუს შორის გაიმართება", - აცხადებს ფიგუ.