დელ პიერო: "ბევრი რამ მოტივაციაზე იქნება დამოკიდებული"

ტურინის "იუვენტუსის" ლეგენდა ალესანდრო დელ პიერო ჩემპიონთა ლიგის ფინალში მის ყოფილ გუნდსა და "ბარსელონას" შორის გასამართ დაპირისპირებაზე საუბრობს.

"ეს, "იუვენტუსისთვის", შანსია. "ბარსელონას" ინდივიდუალურად ძლიერი ფეხბურთელები ჰყავს, განსაკუთრებით შეტევის ხაზში. ისინი ძალიან სახიფათონი არიან. ეს ძალიან ძლიერი გუნდია, რომელიც ფინალში იოლად გავიდა.

"იუვენტუსმა" "რეალი" დაამარცხა და დაამტკიცა, რომ კარგი გუნდია. ტურინელებმა იციან, როგორ დაიცვან თავი და გაიტანონ გოლები. ერთ კონკრეტულ შეხვედრაში ბევრი რამ მოტივაციაზე იქნება დამოკიდებული."