აგენტი: "ალვესი "ბარსადან" წასვლასთან ახლოსაა"

"ბარსელონას" მარჯვენა მცველი დანი ალვესი კატალონიური კლუბის დატოვებასა და სხვა გუნდთან კონტრაქტის გაფორმებასთან ახლოსაა. ამაზე ბრაზილიელი ფეხბურთელის აგენტი დინორა სანტანა საუბრობს.

"ალვესი სხვა კლუბთან კონტრაქტის გასაფორმებლად ახლოსაა, მოლაპარაკებები გადამწყვეტ ეტაპზეა.

რაც შეეხება "ბარსელონას", დანი ყოველთვის მზადაა მათი შეთავაზების განსახილველად, მაგრამ დიდი ხანი არ დაელოდება. "ბარსა" ამ სიტუაციაში ცდილობს, ალვესი ცუდ ადამიანად გამოიყვანოს, თუმცა ეს ასე არაა. ეს ყველაფერი უკვე დამღლელია," - აცხადებს ალვესის აგენტი.