"ბარსელონა" პირველ თამაშს 19 ივლისს, "რეკრეატივოსთან" ჩაატარებს

"ბარსელონას" ოფიციალური საიტის მიერ გავრცელებული ინფორმაციის თანახმად, კატალონიური კლუბი წინასასეზონო მზადების პირველ თამაშს 19 ივლისს, ადგილობრივი დროით 22 საათზე (თბილისის დროით 00:00 საათზე), "რეკრეატივოსთან" გამართავს.

როგორც ცნობილია, "ბარსელონას" ფეხბურთლები ვარჯიშს 14 ივლისს დაიწყებენ. დღეს გაირკვა, რომ 5 დღის შემდეგ ისინი პირველ თამაშს ჩაატარებენ. ეს ამხანაგურ ტურნირზე, კოლომბინოს თასზე მოხდება და კატალონიელთა მეტოქე "რეკრეატივო" იქნება.

შეგახსენებთ, რომ "ბარსელონა" 2, 6, 9 და 18 აგვისტოს "ნიცასთან", "ნაპოლისთან", "ჰელსინკისთან" და "ლეონთან" ითამაშებს.