მიულერის აგენტი "ბარსელონას" ხელმძღვანელობას შეხვდა

კატალონიური გრანდის ხელმძღვანელობა მიუნხენის "ბაიერნის" თავდამსხმელის შეძენით ინტერესდება.

როგორც წყარო იტყობინება, სულ რამდენიმე დღის წინ, გერმანიის ეროვნული ნაკრების ფეხბურთელის აგენტი "ბლაუგრანას" წარმომადგენლებს შეხვდა.

Punto Pelota-ს მიერ გავრცელებული ინფორმაციის თანახმად, მათი შეხვედრის თემა "ბაიერნის" 25-ე ნომრის შესაძლო ტრანსფერი იყო, რომელიც უახლოეს მომავალში იგეგმება.

აქვე გეტყვით იმასაც, რომ ტომას მიულერის მიმდინარე კონტრაქტი ბავარიელებთან, 2017 წლის ზაფხულამდეა ძალაში.