კლემან ლანგლე


კლემან ლანგლე

პლანეტის ერთ-ერთი ყველაზე იმედისმომცემი მცველი. ფრანგი უკანახაზელი ბურთის დაცვიდან ამოტანითა და თამაშის წაკითხვის კარგი უნარით გამოირჩევა.

კლემან ლანგლე 1995 წლის 17 ივნისს, საფრანგეთის ქალაქ ბოვეში დაიბადა. საფეხბურთო კარიერა მან მეორე დივიზიონში მოთამაშე "ნანსიში" დაიწყო, რომლის პირველ გუნდში დებიუტიც 2013 წელს ჰქონდა. ახალგაზრდა ასაკის მიუხედავად, ის მალევე იქცა გუნდის საკვანძო მოთამაშედ. 2015/16 წლების სეზონში, ლანგლემ საფრანგეთის მე-2 დივიზიონის მოგებაში დიდი წვლილი შეიტანა.

საფრანგეთში ლანგლეს წარმატებით თამაში "სევილიამ" შეამჩნია, რომელმაც იმედისმომცემი მცველი 2017 წლის იანვარში შეიძინა. ფრანგი ფეხბურთელი ახალი გუნდს ადვილად მოერგო. თამაშის ელეგანტური სტილისა და თავდადების წყალობით, ის შემადგენლობის უცვლელ წევრად იქცა. ფრანგი უკანახაზელი კიდევ უფრო განვითარდა და უმაღლესი დონის ცენტრალურ მცველად ჩამოყალიბდა.

2018 წლის 13 ივლისს, კლემან ლანგლე "ბარსელონას" ფეხბურთელი გახდა, რომელთანაც 5-წლიანი კონტრაქტი გააფორმა.

თვისებები

ცაცია ცენტრალური მცველი ძალიან კარგია ბურთით თამაშის დროს. ის მაღალი სათამაშო ინტელექტით გამოირჩევა. უპირველესად, ის ბურთით მოთამაშე მცველია. თამაშის წაკითხვის კარგი უნარი და ტექნიკური შესაძლებლობები მას აძლევს შესაძლებლობას, იყოს ბურთის დაცვიდან კარგად ამომტანი ფეხბურთელი. ტაქტიკურად განსწავლული მოთამაშე ასევე საფრთხეს წარმოადგენს მეტოქე გუნდის მცველებისთვის, სტანდარტულების დროს, მეორე სართულზე.

ტიტულები

გუნდური

ბარსელონა

ესპანეთის ჩემპიონატი: 2018/19

ესპანეთის სუპერ თასი: 2018/19

ნანსი

საფრანგეთს მე-2 დივიზიონი: 2015/16


საიტთან დაკავშირებით კითხვის გაჩენის, ან შეცდომის აღმოჩენის შემთხვევაში, გთხოვთ, დაგვიკავშირდეთ.

პარტნიორები

Flashscore.ge
მოგვიწონე Facebook-ზე და გაიგე ყველაფერი პირველმა