Tsitsi | ჩემი და ბარსამანიას ისტორია

მე ბარსამანიამდე უფრო ადრე მახსოვხარ:)))) შენი ნიკიც მახსოვს მგონი იოჰან 14 იყო. ბარსას ფანობას რაც შეეხება ნუ მკითხავთ ძაან დიდი ხანია. რაც შეეხება ბარსამანიას ახალი შექმნილი იყო ძაან, ტუ არ ვცდები 2008 ან 2009 წელი

ჩემი ისტორია ელ კლასიკოთი დაიწყო მაშინ რეალისკენ ვიყავი და ფიგუს ფორმას ვატარებდი მაგრამ პირველად ელ კლასიკო რო ვნახე კონკრეტულად 3-3 რო მორჩა მესიმ პირველი ჰეთ-თრიკი რო გაიტანა მახსოვს როგორი გაოცებული ვუყურებდი მესის თამაშს ამ კლასიკოს მერე დაიწყო ჩემი ბარსელონური კარიერა გულშემატკივრის რანგში ფიგუს ფორმა კიდე მოგვიანებით დავწვი რო გავიგე რო ბარსას უღალატა

2013 წელი - ყველაფერი „ბარსელონა“ 4-0 „აიაქსიდან“ დაიწყო, ლეოს ჰეთ-თრიქი, ერთიც პიკემ... თუ უბრალოდ ფეხბურთს ვიგულისხმებთ, და არა მხოლოდ „ბარსას“, ერთი წლით ადრეც შემიხედავს. მინდა გითხრათ, რომ მხოლოდ გოგოებს არ გაქვთ ეგ პრობლემა - მეც გამომიტოვებია ბევრი მატჩი იმის გამო, რომ „უნდა დამეძინა“. უამრავი შეხვედრა, რომელიც ჩანაწერში ვნახე, მაგრამ ვნანობ, რომ პირდაპირ ეთერში ვერ ვუყურე. თუმცა, ამას თავი დავანებოთ, უარესი ისაა, რომ ბევრად ადრეც შემეძლო ამ ყველაფრის დაწყება, მაგრამ არავის უჩვენებია ჩემთვის სპორტის ეს გენიალური, საუკეთესო სახეობა და არ ვიცოდი, თუ რამდენად მიყვარდა იგი. არ ვიცოდი, რომ შემდეგში ფეხბურთი ჩემი ყოველდღიური ცხოვრების ნაწილი გახდებოდა, ყოველ წამს ამაზე ვიფიქრებდი და ა.შ. მაგრამ, ისიც უნდა ვთქვა, რომ, მიუხედავად ზემოხსენებულისა, ბევრი რამ, რაც მანამდე გამოვტოვე, ვისწავლე და ვუყურე დაწვრილებით, მათ შორის იმდროინდელსაც, როცა ჯერ კიდევ არ ვიყავი დაბადებული.

„ბლაუგრანას“ შეყვარების მთავარი ინსპირაცია, რა თქმა უნდა, ლეო იყო. მომეწონა ლურჯ-ბროწეულისფერი ფორმა და მათი თამაშიც, PES 2013-მაც დიდი გავლენა იქონია, სულ „ბარსელონას“ ვირჩევდი და ვცდილობდი, თითოეული ფეხბურთელით გამეტანა, იქნებოდა ეს მესი თუ პინტო. აღვნიშნე, რომ შთაგონების წყარო ლეგენდარული ათიანია, რომელმაც არენტინის ფანიც გამხდა, მაგრამ, იმასაც ვიტყვი, რომ როგორც ზემოთ ვთქვი - ყურების უფრო ადრე დაწყების საშუალება რომ მქონოდა - შეიძლება ეს გენიოსი რონალდინიო ყოფილიყო. 19 წლის ვარ და „ბარსას“ რიგებში თუ არა, კარიერის ბოლო წლებში მაინც მემახსოვრებოდა. ნუ, კატალონიაშიც მემახსოვრებოდა რამდენიმე მატჩი, რატომაც არა?! ასევე, არ გამოვტოვებდი იმ რევოლუციას, რომელიც კლუბში მოხვდა - არ გამოვტოვებდი ლაივში, თორემ შემდეგში უკვე ყველაფერი ვიხილე.

რაც შეეხება ბარსამანიასთან ურთიერთობას, ჩემი პირველი საიტიც სწორედ იგი იყო. როცა გავიგე მის შესახებ, დავიწყე შესვლა, არცერთ სიახლეს არ ვტოვებდი წაუკითხავად. მაშინ ჯერ კიდევ არ ვიცოდი, რომ დარეგისტრირება და კომენატრების დატოვება შემელო. ეს მალევე აღმოვაჩინე და დავიწყე იმ კლუბის ქომაგებთან კომუნიკაციის დამყარება, რომელიც ყველას გვართიანებს. ამ საიტმა დიდი გავლენა იქონია ჩემზე, ბევრი რამ მასწავლა.

მეც ვოცნებობდი, რომ ოდესმე სიახლე დამეწერა. აგრეთვე, ძალიან მინდოდა, ჩემი ცხოვრების კლუბის მაისური მომეგო. მიუხედავად იმისა, რომ საიტზე ახლა აქტიური არ ვარ, წარსულს თუ გადავხედავთ, გარკვეულწილად, ორივე მათგანი ავიხდინე - მაისურიც მივიღე და ჩემი დაწერილი ნიუსებიც იხილა მკითხველმა, რაც უზომოდ მიხაროდა, მეგონა, სამყარო ჩემი იყო. ბავშვს სხვა რა უნდოდა...

ამ ნოსტალგიებზე საუბარი შორს წამიყვანს, არც თქვენ შეგაწყენთ თავს და სჯობს, შევწყვიტო. უბრალოდ, ვიტყვი, რომ ყველას გისურვებთ, ისეთი „ბარსელონა“ დაგვიბრუნდეს, რომელმაც ეს დიდებული კლუბი და ყველა დროის საუკეთესო სპორტის სახეობა შეგვაყვარა ❤️❤️❤️