თავგადასავალი გრძელდება...
საკმაოდ დიდი ხანია მსგავსი სტატია საიტზე არ დამიწერია, თუმცა მგონი ახლა ამისთვის საუკეთესო მომენტია, დიახ მეგობრებო, დღეს "ლიონელ მესის საგა" ბედნიერი ფინალით დასრულდა, კაპიტანი "ბარსელონაში" რჩება.. არგენტინელმა ექსკლუზიურ ინტერვიუში დაადასტურა, რომ წასვლის უდიდესი სურვილის მიუხედავად რჩება კლუბში, რომელიც ძალიან უყვარს..
ზღაპარი გრძელდება, "ბარსელონას" ნამდვილ გულშემატკივრებს მინიმუმ ერთი წლით ბედნიერება გვექნება და მსოფლიოს საუკეთესო ფეხბურთელს სიამოვნებით ვიხილავთ "ლურჯ-ბროწეულისფერი" მაისურით..
მესიმ ვრცელ ინტერვიუში სრული სიზუსტით ისაუბრა არსებულ სიტუაციაზე და ფაქტობრივად ყველა შეკითხვას პასუხი გასცა, მის ინტერვიუში საინტერესო ფრაზებმა გაიჟღერა, რომელსაც გამოვყოფ..
პირველ რიგში, დავიწყებ გულშემატკივრით, რომლებიც უცენზუროდ და უტაქტოდ აფასებდნენ ლეგენდის მდგომარეობას/გადაწყვეტილებას, ამას კი მესის ეს ზუსტად მოერგება: "ბევრი ადამიანის რეალური სახე დავინახე. ძალიან ბევრი მათგანი ყალბი ადამიანი აღმოჩნდა. გულშემატკივრების და ჟურნალისტების სიტყვები ძალიან მეტკინა, ისინი კლუბის მიმართ ჩემს ერთგულებას კითხვის ნიშნის ქვეშ აყენებდნენ. "ბარსელონასადმი" ჩემი სიყვარული არასდროს შეიცვლება".
ტრადიციულად გაჩნდა სტანდარტული ვერსია, რომელსაც "იაფ ინტელექტუალურ ცეკვას" ვუწოდებ - ბევრი "გულშემატკივარი" მომხდარს უბრალოდ დადგმულ სპექტაკლს უწოდებდა, თუმცა ჩემი აზრით, ლეგენდის ეს სიტყვები, მეტია ვიდრე უბრალოდ სიტყვები: "ჩემმა გადაწყვეტილებამ დრამა გამოიწვია. ოჯახის წევრებმა ტირილი დაიწყეს, ბავშვებს ბარსელონადან წასვლა არ უნდოდათ."
ახლა კი მოგიწოდებთ კიდევ ერთხელ გავაცნობიეროთ თუ ვის შესახებ ვსაუბრობთ:
ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.
ამ სიახლეზე კომენტარები გათიშულია.
კომენტარები [ 60 ]