მატჩისშემდგომი მიმოხილვა: ასე არ შეიძლება

  "ბარსა" უმნიშვნელოვანეს ქულებს კარგავს, არადა, ვერ ვიტყვი რომ ცუდ ფორმაშია. "ხეტაფესთან" გასვლაზე თამაში ყოველთვის რთული იყო, არც ამჯერად ველოდი იოლ შეხვედრას. ფლიკის გუნდმა კარგად დაიწყო, სწრაფი და გააზრებული შეტევებით, ნამდვილად ვერ ვიფიქრებდი რომ ასეთი დასაწყისის მერე სასურველ შედეგს ვერ მივაღწევდით. არასტაბილურობა ფლიკის "ბარსას" ყველაზე უარყოფითი მხარეა, მთელი სეზონია ეძებს ამ მინუსის მიზეზებს და როგორც ჩანს ჯერჯერობით ვერ მიაგნო. ერთი რაც ასე ზედაპირულად ჩანს ის არის რომ მომენტების რეალიზების პრობლემა იქმნება, მაგრამ აბა როგორ გინდა ამაზე გააკეთო აქცენტი, როცა ერთ თამაშში გუნდს ხუთი და ექვსი გოლი გააქვს, მეორეში კიდევ ან საერთოდ ვერ გააქვს, ან მხოლოდ ერთი. 

ესე იგი, სულ სხვა რამეშია საქმე. 

ამიტომაც თქვა თამაშის მერე, არაფერი მსგავსი არ გამომიცდიაო. 

კუნდეს კიდევ ერთი 

ამჯერადაც შეტევაში უფრო კარგი იყო, "ბარსამ" სწრაფი გოლი შეაგდო, თავი კუნდემ გამოიჩინა, პედრის გენიალური პასის შემდეგ ისეთი გოლი შეაგდო მცველებს რომ გააქვთ. თუმცა, მოხერხება მაგასაც უნდოდა. "ბარსა" თამაშს აკონტროლებდა, აქტიურად იყენებდა განაპირა მცველებს, ერთი მხრივ კუნდეს, მეორე მხრივ ბალდეს. აღსანიშნია, რომ ფრანგმა ცენტრალური ზონიდან შეაგდო ეს გოლი, ფაქტობრივად ლევანდოვსკის პოზიციაზე იყო. 

თავად ლევანდოვსკის ვერ ჰქონდა დიდად კარგი თამაში, აქტიურ მონაწილეობას იღებდა შეტევების ორგანიზებაში, მაგრამ თამაში ისე დასრულდა ერთი კარგი მომენტიც არ შეუქმნია, ყოველ შემთხვევაში მე არ მახსოვს. ალბათ პრობლემაც ეს არის, პოლონელი უკვე ვეტერანია, ყველა თამაშს ფორმაში ვერ ხვდება, თუ ჯანზეა "ბარსას" ბევრი გააქვს და მარტივად იგებს, თუ გადაღლილია მაშინვე პრობლემები იწყება. 

რაფინია ვეტერანი არ არის, მაგრამ დამაგვირგვინებელი ფაზის ოსტატი არასდროს ყოფილა, ამ სეზონში ყოველგვარ მოლოდინს გადააჭარბა, მაგრამ მაინც არ არის მაღალი დონის შემსრულებელი, ჰქონდა ორი კარგი მომენტი და ვერცერთი ვერ გამოიყენა. ისე გამოდის რომ "ბარსას" ყველაზე მეტი ფეხბურთელი მარცხენა ფლანგზე ჰყავს, ფლიკი მაინც უკმაყოფილოა, ფატის საერთოდ აღარ განიხილავს გუნდში, ფერანს ხანდახან აძლევს ხოლმე წუთებს, რაფინია გადასარევია, მაგრამ მარცხენა გარემარბს მაინც ეძებს კლუბი და საბოლოოდ რაშფორდზე შეჩერდნენ. არ არის საუკეთესო ვარიანტი, ფაქტია, რომ გახეულმა ჯიბემ მიგვიყვანა აქამდე, ასეთ ნაჩქარევ გადაწყვეტილებას ჯობია ისევ რაფინიას ენდონ ბოლომდე. 

^{ის რაც ხშირად ხდება} 

ხშირად ხდება რომ კუნდეს ფეხბურთელი რჩება თავის ზონაში თავისუფალი, გასულ სეზონში ბევრი ასეთი შემთხვევა გვახსოვს და ამჯერადაც ასე მოხდა, გოლი მისი ზონიდან გავიდა. ცუდად გადაინაწილეს ფეხბურთელები, შეუთანხმებლად იმოქმედეს, მერე პენიამ კი მოიგერია კარგი ბურთი, მაგრამ ისევ მეტოქეს გაარტყა და ანგარიში გათანაბრდა. 

ცოტა ხანში ისევ კუნდეს ჰქონდა ანგარიშის გაზრდის შანსი, მას და არაუხოს, ესე იგი, იმ ფეხბურთელებს რომელთა სინდისზეც იყო გაშვებული გოლი, მაგრამ ვერც ერთმა შეაგდო და ვერც მეორემ, რანაერად მოახერხეს არ ვიცი, მაგრამ იამალის ჩაწოდებულს ერთიც ასცდა და მეორეც, არადა, ერთი შეხება იყო საჭირო ცარიელი კარის წინ. აფსუს, რა დუბლი იქნებოდა.. 

მეორე ტაიმში "ბარსას" ტემპის მომატება სჭირდებოდა და ვერ ვიტყვი რომ ამოცანას თავი გაართვა. კასადოს ნაცვლად მაშინვე დე იონგი გამოვიდა, ამას მხოლოდ ერთი მიზეზი შეიძლებოდა ჰქონოდა, მისი დრიბლინგები სჭირდებოდა ჰანსის, მოედნის ცენტრიდან შეგდებული თავისუფალ ზონაში, არც ეს გამოვიდა დიდად, ერთი კარგი დარტყმა ვნახეთ შორიდან, სორიამ ლამაზ ნახტომში მოიგერია მაღალ მარცხენა კუთხეში დარტყმული ბურთი. 

გამოვიდა მოედანზე დანი ოლმო და ფერან ტორესი ლევანდოვსკის ნაცვლად. ცვლილებებმა არ გაამართლა. ბოლო შანსი ისევ რაფინიას ჰქონდა, ჰგავდა ეს მომენტი პირველ ტაიმში შექმნილ მომენტს, ორივეჯერ მარცხენა მახვილი კუთხიდან ურტყამდა, ორივეჯერ ერთი შეხებით და ორივეჯერ გარედან მოარტყა მეტოქის კარის ბადეს. 

ძალიან მნიშვნელოვანი ქულები დაიკარგა. "მადრიდს" აქვს შანსი კიდევ უფრო წინ გაიქცეს. "ბარსაზე" უკეთესი გუნდი რომ არ არის უკვე ვნახეთ, ამ სეზონში ორჯერ ვნახეთ, ვერც იმას ვიტყვით რომ სტაბილურია, ისინიც კარგავენ ქულებს, მაგრამ "ბარსა" ძალიან ბევრს კარგავს. 

ახლა კი ჩემპიონთა ლიგის ჯერია,