მატჩისშემდგომი მიმოხილვა: 16 წლის ისტორია

მატჩისშემდგომი მიმოხილვა: 16 წლის ისტორია

ვიცოდით რომ რთული იქნებოდა, დანაკლისი ძალიან დიდი იყო. სანაკრებო პაუზამ მოგვისწრო და იმედია პაუზის მერე ლიდერები დაგვიბრუნდებიან, და იმედია აღარავინ გამოგვაკლდება, თორემ, ამ ფრენებმა და სანაკრებო ჯახმა დიდი დანაკლისი იცის. 

ეგ კი არა, კუნდემაც კი ტრავმა მიიღო და მოედანი დატოვა, ისეთი ფინტი დაახვედრეს კინაღამ კოჭებიდან ამოვარდა. არა უშავს, დიდ კარლეს პუიოლსაც დამართნია რაღაც მსგავსი, მცველი არ მინახავს ვინც არ გაუბითურებიათ, დიდ მცველებზეა საუბარი, თორემ, პატარა მცველები ისედაც მაგისთვის არსებობენ რომ გააბითურონ. 

0:2-დან ამოვქაჩეთ, ჩავიმ ისევ შეძლო თამაშის გადარჩენა, მეორე მხრიდანაც შეგვიძლია შევხედოთ - ისევ შეძლო პირველი ტაიმის ჩაფლავება. 

მუდმივად ასეთი გრძნობა მაქვს, რაღაცას არა სწორად აკეთებს მატჩის წინ, თითქოს ფეხბურთელები სულ სხვა მოლოდინით გადიან მოედანზე და სულ სხვა სურათი ხვდებათ, მერე კიდე შესვენებაზე ამ მოულოდნელობას აანალიზებენ და რაღაცას ვემსგავსებით. 

გამარჯობის თქმა..

არ გვაცადესო ამაზეა ნათქვამი, დაგვაცხრა თავზე "გრანადა" მაიკ ტაისონივით და ანგარიში გახსნა. მიჰყვა შეცდომა-შეცდომაზე. იშვიათია ასე ყველა ხაზში შეცდეს გუნდი, თანაც თამაშის დაწყებიდან რამდენიმე წამში. ჯერ გავიმ დაკარგა ბურთი, მერე გიუნდოგანმა ვერ ითამაშა მაინცდამაინც ჩამშლელივით, (არც არის ჩამშლელი) კრისტენსენმა პოზიცია დაკარგა, კუნდემ სწრაფად ვერ დააზღვია და შტეგენმაც ვერ გვიხსნა, არადა, აუღია ასეთები. 

რთულია მერე თამაში, პირველივე წამებზე რომ ასეთი ამბავი დაგატყდება თავზე. თან ის ხალხიც გვაკლდა რომელსაც ასეთ დროს ბურთს მიაჩეჩებ და ეტყვი, მიდი ჰა, მოიფიქრე რამე. ასეთი კაცი ბოლო წელიწადნახევარია ფრენი დე იონგია, მერე პედრი, ჩვენ კი არცერთი არ გვყავდა, გარდა ამისა, შეტევაში მთავარი მეგოლე და ერთადერთი ფორვარდი გვაკლდა, ფლანგზე კიდე რაფინია, რომელიც, შესაძლოა ყველაზე ნაკლებ დანაკლისად მიიჩნიოთ, მაგრამ მისი სტატისტიკა მაინც სხვა რამეს გვეუბნება. თანაც, უნივერსალია, ბევრ რამეში გამოიყენებ. 

მიუხედავად დანაკლისისა, მომენტები პირველ ტაიმშიც იყო, მეორე გაშვებულ გოლამდე ჰქონდა შანსი ჟოაუს, გავის, რაღაც ნახევარმომენტის მსგავსი, უპირატესობა "ბარსამ" მოიპოვა და კონტრშეტევაც გაიპარა, დარჩა სარაგოსა ერთი-ერთზე კუნდესთან და შეურაცხყოფა მიაყენა. აქიდანაც და იქიდანაც. 

დარტყმაც ლამაზი იყო, რაც ჩაიფიქრა, ის შეასრულა. კარგი ბიჭია, შეერგოს, "ბარსას" ქომაგები სილამაზეს პატივს სცემენ. 

ის რაც სეზონის დასაწყისში უპირატესობად მივიჩნიეთ უკვე ნაკლად გვექცა. სეზონის დასაწყისში გამოჩნდა, რომ რომეუს ნელ-ნელა ჩააჩოჩებდნენ, ფრენკი დაიწევდა საყრდენზე, ხანდახან გიუნდოგანიც, ბურთსაც დავიჭერდით, პასის მიმცემიც გვეყოლებოდა, არც არაფერი გაგვიჭირდებოდა, მაგრამ ახლა ისეთი დრო დადგა ილქაი გვყავს საყრდენზე, შეგახსენებთ, სეზონის წინ, მეც და თქვენმა უმრავლესობამაც ჩავთვალეთ რომ ყველაზე მეტ საგოლე პასს გააკეთებდა, ჰოდა, ახლა საყდენზეა ეს კაცი, მის წინ კი ნამდვილად არ გვყავდა უკეთესი მეპასე. ვერც გავიზე ვიტყვით ამას და ვერც ფერმინზე. რომეუს კიდე ისეთი წუნი აქვს ბურთის ამოტანაში, რომ სკამზე გადასვეს. ვიღაც ალბათ ჩათვლის რომ ეს შეცდომა იყო, ჯობდა მას დაეწყო და ილქაი რვიანზე გვყოლოდა.. ახლა მარტივია საუბარი. 

თუმცა, იყო ერთი, ძალიან ლამაზი, ზუსტად საყრდენი ზონიდან ოთხი "გრანადელი" მოტეხა ერთი პასით, მაგარი შეტევაც წავიდა, მაგრამ ჟოაუს მეკარემ აჯობა. 

ძალიან მნიშვნელოვანი იყო ტაიმის ბოლოს გატანილი გოლი - ყველაზე ახალგაზრდა მეგოლე ლა ლიგაში! 16 წლის ბავშვმა გოლი შეაგდო "გრანადასთან". დროის ამბავი იყო, იმდენ მომენტს ქმნიდა რომ ერთ დღესაც გარდასახავდა გოლში, ახლა ძალიან ბედნიერია, ვერ მოვიგეთ, მაგრამ ბედნიერია და ის გრძნობა დაეუფლა, რაც ყველა მეგოლეს ეუფლება - კიდევ უნდა. რაც შეიძლება მეტი. 

მსაჯებო, როგორ ხართ?

ღმერთებო, არ ვიცი რამ გამახსენა. პანდემიის ჟამს, როცა ადამიანი ადამიანს განსაკუთრებით უფრთხილდებოდა და უფრთხოდა კიდეც, მზრუნველმა ხალხმა კარგად ნაცნობ და გავარდნილ ადგილზე მანქანა მიაყენეს და ძალიან გულწრფელად მოიკითხეს უძველესი პროფესიის ხალხი - როგორ ხართ?

გაუკვირდათ, ხმა ვერ გაიღეს. რატომღაც, რავიცი.. 

ვფიცავ, კარგი თამაში იყო! მეორე ტაიმში გაჭვალავდა კაცს დრამატიზმისაგან. აქით დარტყმა, იქით დარტყმა, აქით შანსი, იქით სარაგოსა, ცოტა შეაშინა არაუხომ, მაგრამ მაინც სწრაფად ირბინა და კინაღამ გულიც გაგვიხეთქა. კი ავურიე ქრონოლოგია, მაგრამ ამოვარდა გონებაში და როგორ გინდა არ ახსენო?! არაუხომ კიდე ბატისტუტა გამახსენა, ცოტა ახლო-ახლოს თქვიო.. გვეუბნება ის ძველი სიბრძნე, მაგრამ ეგრე მოხდა, ცენტრფორვარდის პოზიციაზე აღმოჩნდა და ნახევარბრუნში წაიღო ბურთი, თანაც ეს სწრაფი გაწევა და დარტყმა ერთი იყო. უჰ რა მაგარი გოლი გაჰქონდა, მაგრამ არ გავიდა. 

მცველია მაინც. კარი ვერ იგრძნო ისე, როგორც ის არგენტინელი გრძნობდა. თვალდახუჭული. 

სახალისო მომენტი იყო 85-ე წუთზე, ჯერ ჟოაუს მოხვდა ხელი და დაეხეთქა, ალბათ სწორედ ამან გვიხსნა რომ პირველი მას მოხვდა, მერე წამოდგა და შური იძია, მხარი მიარტყასავით მეტოქეს და ისიც გაიშოტა ბელუქსის საქონელივით, მაგრამ სწრაფადვე წამოდგა, მსაჯმა არ დაუსტვინა და სადამდე უნდა წოლილიყო. მერე კიდე ძალზედ სახალისო ამბავი იყო, "მადრიდის" აღზრდილმა და იტალია მოვლილმა კალეხონმა განიზრახა ბალდე მიეტოვებინა, ჟოაუს დაჯახებოდა, გაშოტილიყო მოედანზე და ბურთი ასე მზაკვრულად დაებრუნებინა, გენიალური ჩანაფიქრია ხოსე! 

ნეტავ, რა იფიქრა, როცა მიტოვებულმა ბალდემ საგოლე პასი გააკეთა?! ვის ეჯახებიი.. რას ეჯახები.. 

არ შეუხედავს გოლი როგორ გავიდა, გორავდა აქეთ-იქით, წითელი კვერცხივით. მაგრამ იგრძნო რომ დაიღუპა, ტრიბუნიდან იგრძნო, დაუძახეს ასე ერთხმად აეფხიკე გაზონიდანო და წამოაყენეს როგორღაც. გადაფხიკეს და მოიგეს ქულა. ეგეც საქმეა. 

ბოლოსკენ ისევ პორტუგალიელებმა მოგვაგებინეს, მაგრამ აღმოჩნდა რომ ვერ მოვიგეთ. ფერანის ცხვირი იყო სხვის საქმეში გაყოფილი. მართალია, ბურთი მას არ მისვლია და გოლიც არ შეუგდია, მაგრამ გავლენას ახდენდაო, ძმაო, ჰოდა, არ ჩაითვალა. 

მსაჯებო, როგორ ხართ?

მოსულა. ეგეთებს ეგენი წყვეტენ. ახდენდა თუ არ ახდენდა. გავლენის ამბავი მაგათ გონებაში წყდება, მე კიდე მაგათი გონებისა არაფერი გამეგება. 

ეგრეა მოკლედ, გავედით პაუზაზე. 


ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 19 ]

    ინფორმაცია
    ამ სიახლეზე კომენტარები გათიშულია.
    Culé [?]
    #19 10 ოქტომბერი 2023 19:20
    0
    ციტატა: nika 54
    ციტატა: JasoN
    ციტატა: pavlovichi56
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....

    ვინ გინდა პრეზიდენტად და მერე მწვრთნელად თქვი აბა? და ვინ აგვაშენებს შენი აზრით?

    პერესი და გვარდიოლა. უკეთესი ამჟამად არავინ ჩანს ოღონდ პერესს ფულის ხარჯვის უფლება უნდა მისცეს ტებასმა.

    პირველი ეგრევე გამოვრიცხოთ არასოდეს არ მოხდება და აი გვარდიოლა რავიცი იმედია ოდესმე მოხდება უკან დაბრუნება. ისე ფულის ხარჯვა როგორ უნდა მისცე ან რომელი ფული უნდა ახარჯინო რაც არაა? თორე ლაპორტამ გგონია არ იცის ხარჯვა? სადაა თორე
    წევრი [?]
    #18 9 ოქტომბერი 2023 19:01
    0
    ციტატა: PUIOL5
    ციტატა: BarcaFan❤💙
    სანე ბაიერნს ტოვებსო და არ უნდათ რომ იჩალიჩონ?😀 წესიერი მარჯვენა ვინგერი მაინც გვეყოლება და 16 წლის ბიჭის იმედზე არ ვიქნებით მნიშვნელოვან თამაშებში

    სანე არაფრით მეტი არაა იამალზე, ეგეც ერთფეროვანი მორბენალი ცხენია, მასეთი სწორხაზოვანი გვყავს რაფინია

    რასამბობ ძმაო სანე და რაფინია ერთი და იგივეა? რაფინიას დემბელე ჯობია სწრაფი მაინცაა და ორივე ფეხიტ თამაშობს თუ თამაში ქვია მაგას ეს ვერცერთით თამაშობ ნელია და ტვინი არააქ :D
    გულშემატკივარი [?]
    #17 9 ოქტომბერი 2023 17:19
    0
    ციტატა: tbilisi
    კიდევ შეიცვლება ცხრილი, რეალიც დაკარგავს ქულებს, ატლეც და ჟირონაზე აღარაფერს ვამბობ.
    უბრალოდ ამათ რაღაც თუ არ შეცვალეს ცუდად იქნება საქმე.
    საინტერესო ელ კლასიკო იქნება ბიჭები თუ დაბრუნდნენ, არაფერს დათმობენ.

    ბაზარი არაა ყველა დაკარგავს ქულებს მაგრამ ჩვენ რა მერე? ბარსა უფრო მეტს კარგავს, ყოველი მეორე გუნდი ქულას გვართმევს, ყველა მატჩში ბრძოლა გვიწევს არათუ მოგებისთვის არამედ ქულის აღებისთვის, პრობლემა არ გვარდება, ჩავიმ უნდა აიღოს უკვე ოასუხისმგებლობა.
    ფანი [?]
    #16 9 ოქტომბერი 2023 17:01
    0
    ციტატა: Novak Djokovic
    პედრი, ლევანა და რაფინია მზად იქნებიანო კლასიკოსთვის და იამალი 10 დღე იუქმებსო. კარგია დაისვენებს და კლასიკოში ამათი დაბრუნება უკვე სერიოზული ძალაა

    მეც წავიკითხე მსგავაი ინფორმაცია ფრენკი და კუნდე დაგვაკლდება მგონი კლასიკოში და თუ ესე მოხდა შანსი იქნება არ წაგების.დაცვამ უნდა იფრინოს სხვა გზა არაა
    საიტის ლეგენდა  [?]
    #15 9 ოქტომბერი 2023 16:48
    0
    ციტატა: JasoN
    ციტატა: pavlovichi56
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....

    ვინ გინდა პრეზიდენტად და მერე მწვრთნელად თქვი აბა? და ვინ აგვაშენებს შენი აზრით?

    პერესი და გვარდიოლა. უკეთესი ამჟამად არავინ ჩანს ოღონდ პერესს ფულის ხარჯვის უფლება უნდა მისცეს ტებასმა.
    გულშემატკივარი [?]
    #14 9 ოქტომბერი 2023 15:21
    0
    პედრი, ლევანა და რაფინია მზად იქნებიანო კლასიკოსთვის და იამალი 10 დღე იუქმებსო. კარგია დაისვენებს და კლასიკოში ამათი დაბრუნება უკვე სერიოზული ძალაა
    --------------------
    ”Everybody believes in something... Most of all, we should believe in ourselves.” — Novak Djokovic
    ფანი [?]
    #13 9 ოქტომბერი 2023 14:24
    0
    ციტატა: PUIOL5
    ციტატა: BarcaFan❤💙
    სანე ბაიერნს ტოვებსო და არ უნდათ რომ იჩალიჩონ?😀 წესიერი მარჯვენა ვინგერი მაინც გვეყოლება და 16 წლის ბიჭის იმედზე არ ვიქნებით მნიშვნელოვან თამაშებში

    სანე არაფრით მეტი არაა იამალზე, ეგეც ერთფეროვანი მორბენალი ცხენია, მასეთი სწორხაზოვანი გვყავს რაფინია

    პრობლემა ისაა რომ იამალი 16 წლისაა და ამდენ დატვრითვას ვერ გაუძლებს
    გულშემატკივარი [?]
    #12 9 ოქტომბერი 2023 13:55
    2
    კიდევ შეიცვლება ცხრილი, რეალიც დაკარგავს ქულებს, ატლეც და ჟირონაზე აღარაფერს ვამბობ.
    უბრალოდ ამათ რაღაც თუ არ შეცვალეს ცუდად იქნება საქმე.
    საინტერესო ელ კლასიკო იქნება ბიჭები თუ დაბრუნდნენ, არაფერს დათმობენ.
    გულშემატკივარი [?]
    #11 9 ოქტომბერი 2023 13:48
    0
    ციტატა: BarcaFan❤💙
    სანე ბაიერნს ტოვებსო და არ უნდათ რომ იჩალიჩონ?😀 წესიერი მარჯვენა ვინგერი მაინც გვეყოლება და 16 წლის ბიჭის იმედზე არ ვიქნებით მნიშვნელოვან თამაშებში

    სანე არაფრით მეტი არაა იამალზე, ეგეც ერთფეროვანი მორბენალი ცხენია, მასეთი სწორხაზოვანი გვყავს რაფინია
    ფანი [?]
    #10 9 ოქტომბერი 2023 13:41
    0
    სანე ბაიერნს ტოვებსო და არ უნდათ რომ იჩალიჩონ?😀 წესიერი მარჯვენა ვინგერი მაინც გვეყოლება და 16 წლის ბიჭის იმედზე არ ვიქნებით მნიშვნელოვან თამაშებში
    ფანი [?]
    #9 9 ოქტომბერი 2023 12:57
    6
    გრანადა შარშან წინ გავარდა ლა ლიგიდან, მაგრამ ბარსამ ვერ მოუგო. წელს ბოლოს წინა ადგილზეა, 9 მატჩიდან 5 წააგო და 28 გოლი აქვს გაშვებული, მაგრამ ბარსამ ვერ მოუგო. რის მოუგო? გუშინდელი მატჩია ბარსამ წააგო ბატონებო!!! ძელმა და ღმერთმა გვიხსნა, თორემ ბარსამ წააგო!!! მთელი მატჩი ბარსა დომინირებდაო და მეტი გვეკუთვნოდაო... ვის რათდ უნდა ამათი დომინირება? ორი შტევა განახორციელეს და ორი გოლი გაგვიტანეს. მალიორკა ერთი პატარა კუნძულის გუნდია, მაგრამ ბარსამ ვერ მოუგო, ოსასუნას ყველა ანგრევს, მაგრამ ბარსა ვერ უგებს... სევილია საზიზღარ ფორმაშია, მაგრამ ბარსამ ვერ მოუგო,?რამოსმა გვიშველა....და ასე შემდეგ .... ხალხი გვაკლდაო, კი ბატონო, მაგრამ გრანადასთან შედარებით გაცილებით ძლიერი შემადგენლბა გვყავდა. გოლი არ ჩაგვითვალესო... აფსაიტში იყო ტორესი და არ ჩაგვითვალეს. ბევრჯერ დავარტყით კარებშიო... და რა? ბურთი ან ცდებოდა კარებს, ან მეკარესთან მიდიოდა ხლებში. ვის რად უნდა ამდენი უშედეგო დარტყმა? სამჯერ დაარტყა ერთმა პატარა ბიჭმა, ორი გოლი გაგვიტნა და ერთიც ძელს მოარტყა..... შემტევი ფეხბურთი ვითამაშეთო.... კი, მაგრამ უშედეგო. გრნადას შეცდომების ხარჯზე გავიტანეთ.... ასე არ უნდა დაგვეწყო მატჩიო.... ვინ უშლიდა სხვაბაირად დაეწყო??? ჩავი სულ ყველაზე ამბობს მძიმე მოწინააღმდეგეაო, ყველა დაცვაშიაო,... ამ დროს ყველა აქამდე ვინც იყო სატურნირო ცხრილის ქვედა ნაწილში იმყოფება.?აბა რა უნდა? ყველა გაიწიოს და მობრძნდი ბატონოო უთხრას? მეტს არაფერს ვიტყვი... ყველა ყველაფერს ხედავს... მომავლის იმედი მაქვს, მაგრმ სანამ ეს მომავლი მოვა, შეგვჭამეს აუტსაიდერებმა, წინ კიდვ ძლიერი გუნდები გვლის.... რეალი სამი ქულით გვისწრებს და კლასიკოს ნახევრად დამტვრეული გუნდით ვხვდებით....
    ფანი [?]
    #8 9 ოქტომბერი 2023 12:43
    0
    ტორესს გააჯვიიიი შენი მომთრევიც გაიყოლეეე.. საიდან მოიტანეს ვინარის ეს ამაზე საზიზღარი არავინ არსებობს მარტო გოლის ეპიზოტს რო დაანებო თავი ისედაც საზიზღარიიაა

    ეს მეორე კიდე რომეუ საქონელი ამას ისევ ის აფრიკელი ჯობდა ვინარიან ესენი ვინმისცა უფლება ბოლო წუთზე დარტყმის რა ლოგიკით უნდა დაარტყა როგორ უნდა გაიტანოს გოლი ვერდადის
    Culé [?]
    #7 9 ოქტომბერი 2023 11:39
    6
    ეს პერიოდი რომ ძალიან რთული იქნებოდა მაშინ დავწერე როდესაც ფრენკი დე იონგი გამოგვაკლდა , რადგან არ გვყავს არათუ მისი დონის , არამედ მისი ნახევარიც მის პოზიციაზე , ამიტომ უნდოდა ხავის სუბიმენდი , მაგრამ მიიღო რომეუ , ამ ფეხბურთელზეც დავწერე რომ ყველაზე მეტად არ მომწონს და ბარსას არც კი გავაკარებდი , მაგრამ ჰოი საოცრებავ და ხშირად ძირითადშიც კია , შენ რა გითხარი ფრენკი ამ კაცს რომ ათამაშებ.. იწერება რომ შტეგენი სასწრაფოდ გასაყიდიაო , კუნდე არაფრად ვარგაო , ფელიქსი გამოდემბელევდაო , გავი ნაჯახია და სკამზეა გასახმობიო , ხავი და ლაპორტმა ორივე გასაგდებიაო... ყველაფერს აქვს არსებობის უფლება , ყოველ აზრს და ყველას პატივს ვცემ , მაგრამ როდესაც ვიღაცას უშვებ , მინიმუმ უკეთესი ვარიანტი უნდა შესთავაზო , შტეგენზე ლაპარაკს არ დავიწყებ , დღესდღეობით სამ საუკეთესო მეკარეში შედის , მარტოც მოუგია თამაშები და ბევრჯერ გადაურჩენია გუნდი , კუნდეს კი აქვს შეცდომები მაგრამ არაუხოსაც აქვს , კრისტენსენსაც აქვს და მცველისთვის ყოველთვის ყველაზე მეტად ჩანს შეცდომა , მაგრამ მაინც ვფიქრობ რომ დღეს იმსახურებს ძირითადს , ლაპორტამ რაც გააკეთა , მესიზე კიდევ კითხვის ნიშნებია კი ბატონო , მაგრამ დანარჩენი უბრალოდ სასწაული ჩაიდინა ამ ფინანსებით ამდენი და ასეთი მოთამაშეები რომ დაიამატა.. რაც შეეხება ხავის.. ხავის ადვოკატობას მაბრალებენ , ერთ დროს ასე მაბრალებდნენ ფრენკი დე იონგის დამცველობას , იმასაც წერდნენ ქორწილში უნდა დაგპატიჟოს ისე იცავო , კი ვიცავდი და მართალიც აღმოვჩნდი თურმე , დღეს ბარსელონას ხერხემალი ეგ ბიჭია , ხავისაც ვიცავ , ბევრი რამ არ მომწონს , მაგრამ სხვას უკეთესს ბაზარზე ვერ ვხედავ , და გუნდის უფრო არევას და უფრო მეტ ქაოსს მირჩევნია ისევ ხავი იყოს , რაც შეეხება რეალს , და მასთან შედარებას , ლუკა მოდრიჩი , ტონი კროოსი , ფედერიკო ვალვერდე , ჟუდ ბელინგემი , ედუარდო კამავინგა და ტჩუამენი , ცენტრს ამ მდგომარეობით ნათლად გვიგებენ , როცა ფრენკი დე იონგი და პედრი არ გვყავს , ცენტრი კი მეგობრებო უმნიშვნელოვანესია , მარტივი მაგალითი გინდათ? მანჩესტერ სიტი , როგორც ჩვენ ისე იმათ გამოაკლდათ ყველაზე მნიშვნელოვანი კაცი ცენტრში , საყრდენი როდრი და რა მოხდა? ბოლო სამი მატჩი როდრის გარეშე წააგეს , ნიუკასლთან 1-0 , ვულვზთან 2-1 და არსენალთან 1-0 , გუნდი რომელსაც სუსტი წერტილი არ აქვს და მონსტრია , წინა წლის ტრებლის პატრონი , როდრის გარეშე მატჩსს ვერ იგებს , ერლინგ ჰოლანდთან , ბერნარდო სილვასთან , ხულიან ალვარესთან ერთად , მატჩსს ვერ იგებს.. ჩვენ კი ბურთის ამომტანი , გამანაწილებელი , კრეატიული ნახევარმცველი არ გვყავს ცენტრში , გიუნდოგანი დგას საყრდენზე და ამას აზღვევს გავი , არცერთისთვის არაა ეს მათი პოზიცია და წინ რა ხდება? ფერმინი? რა ქნას? ცენტრი კი არ წააგო ბარსამ , ცენტრი არ ყავს ბარსას.. ახლა იმას შევეხოთ რომ გუნდი არ მოძრაობს , ლუის ენრიკეს წასვლის შემდეგ , როდესაც ჯერ კიდევ მესი გვყავდა და სუარესი დარბოდა ცხრიანზე , მაშინ ვამბობდი რომ გუნდი გაჩერდა , უბურთოდ არ დარბოდნენ , სივრცეებს არ ხსნიდნენ და ახლაც ამ აზრს ვეთანხმები , ფეხბურთში ყველაზე მნიშვნელოვანია უბურთოდ გადაადგილება და ბარსელონა დგას , ყველა ბურთს ელოდება , რადგან თავის პოზიციას ვერავინ ტოვებს , ჟოაო კანსელუს გარდა , არ ვიცი ეს ხავის ბრალია თუ ფეხბურთელებისბ, მაგრამ ეს შესაცვლელია ნამდვილად..მე კი მგონია რომ ამ ასპექტში კვლავ მესის ჩრდილი დაგვსდევს , რადგან ყველა მიჩვეულია იმას რომ მიეცი ბურთი მესის და ის გადაჭრის პრობლემას , ეს სასწრაფოდ გასაქრობია .. რაც შეეხება ხავის გაგდებას ნამდვილად ვერ ვისურვებ რადგან არც არავინაა უკეთესი და არც იმსახურებს ჯერ , უამრავი გასამართლებელი მიზეზი აქვს და ვერც ეტყვი არაო , უბრალოდ მაშინვე დავწერე როგორც ფრენკი დაიმტვრა რომ დრო იყო ისევ 3 მცველიან ტაქტიკაზე გადავსულიყავით , რადგან ასე ბევრად უსაფრთხო იქნებოდა , ფრენკი აზღვევდა ყველას აბსოლუტურად , ქვაკუთხედია ტიპი და მის გარეშე დაცვაშიც ქაოსია , ფელიქსსაც ხელფეხი აქვს შეკრული რადგან ბურთის ამოტანა უწევს , ცენტრიც დაკარგულია და 3 მცველიანი ტაქტიკა თავიდან აგვარიდებდა თუნდაც გუშინდელ პირველ გოლს , შეიძლება მეორესაც , აქ შეცდა ხავი ჩემი აზრით , რაც შეეხება დანარჩენს , ამ პაუზის შემდეგ იმედია აღარავინ დაიმტვრევა და პედრი ლევანდოვსკის არ ვიცი , მაგრამ სანამ ფრენკი არ დაბრუნდება და ფორმაში არ ჩადგება , ძალიან გაგვიჭირდება ისევ , და აი ფრენკისთან ერთად პედრიც რომ დაბრუნდება , საერთოდ სხვანაირ ბარსას მივიღებთ ასე მგონია , მთავარია ყველა ჯანზე იყოს და ამ სეზონში უტიტულოდ არ დავრჩებით , მაგრამ რომ დავრჩეთ ხავის მაინც არავინ გაუშვებს , მაგრამ შემდეგ სეზონში კიდევ რომ გაკეთდება ტრანსფერები , და გუნდი კიდევ რომ გაძლიერდება , მერე უტიტულობა დამღუპველი იქნება.. წარმატებები და დაველოდოთ სანაკრებოს და ვილოცოთ რომ არავინ გამოგვაკლდება კიდევ ..
    საიტის ლეგენდა  [?]
    #6 9 ოქტომბერი 2023 10:45
    2
    დურგალს ბეტონის დასხმა არ უნდა დააწყებინო, ხარისხი იქნება ცუდი.
    ვიღაცა იტყვის, თუ არ გყავს ბეტონის დამსხმელი რა უნდა ქნაო. რა უნდა ქნა და უნდა მოიყვანო და დურგალი თავის ადგილზე ამუშავე.
    ფანი [?]
    #5 9 ოქტომბერი 2023 10:42
    0
    ციტატა: pavlovichi56
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....

    კაი ბაზარიც არაა შეილება ლა ლიგა ვერ მოვიგოთ მარა უტიტილოდ ნაღდად არ დავრჩებით სუპერ კოპას ან კოპა დელ რეის მოვიგებთ ან ორივეს
    --------------------
    Quality without results is pointless.
    Results without quality is boring.
    -Johan Cruyff
    Culé [?]
    #4 9 ოქტომბერი 2023 10:04
    2
    ციტატა: pavlovichi56
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....

    ვინ გინდა პრეზიდენტად და მერე მწვრთნელად თქვი აბა? და ვინ აგვაშენებს შენი აზრით?
    ფანი [?]
    #3 9 ოქტომბერი 2023 09:15
    4
    რა ტყუილი მოლოდინები შეგვიქმნა ტორეასმა სეზონის დასაწყისში.
    --------------------
    •Barca forever•
    ფანი [?]
    #2 9 ოქტომბერი 2023 06:57
    3
    ციტატა: pavlovichi56
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....

    ამდენი ზიზღი რაიყო შე კაი კაცო რაც კომენტარები გიწერია ყველა აგრესიული და შეურაწმყოფელია 😃
    დაწყნარდი 2 თასს მაინც მოვიგებთ აგერ დაიმახსოვრე ეს კომემტარი
    წევრი [?]
    #1 9 ოქტომბერი 2023 03:47
    1
    უტიტულოდ დარჩება, ჩლუნგი ხავის და აფერისტი ლაპორტას "ბარსა"....