მატჩისშემდგომი მიმოხილვა: პირველი თეთრი თმის ღერი

მატჩისშემდგომი მიმოხილვა: პირველი თეთრი თმის ღერი

ლამინ იამალი შემოსვლისთანავე გავარდა მეტოქის კარისკენ, ბურთი ახლოს ფეხთან, მეტოქესაც სივრცე მოუჭრა, ისე შეძვრა საჯარიმოში როგორც 18 წლის მესი დაძვრებოდა, ფეხის ჩადგმაც მოასწრო და.. პენალტი! 

მცველს რომ ბურთზე არ უთამაშია თავიდანვე ჩანდა, ამიტომ გაუგებარი იყო VAR-ი რატომ ჩაერთო საქმეში, გაუგებარი, მაგრამ არა გასაკვირი. ამდენი წლის მერე კიდევ როგორ უნდა გაგიკვირდეს რამე. კიდევ ერთხელ გავიმეორებ, საქმე არ ეხება მაინცდამაინც იმას, რომ პენალტი "ბარსას" არ დაუდეს, ძალიან შორს ვარ იმ აზრისგან რომ "ბარსას" ვინმე შეგნებულად ებრძვის, უბრალოდ ამ ხალხის კომპეტენცია ძალიან დაბალია, ადრე ერთი-ორი ნორმალური არბიტრი მაინც ჰყავდათ, ახლა სულ წავიდნენ ხელიდან. 

გამადიდებელი შუშით შეხედეს და.. არაო!

იყო შეხება? იყო. 

ადრე წაიქცა? არა. 

გვიან ხომ არ წაიქცა? არა. 

ზუსტად მაშინ დაიწყო ვარდნა, როცა ფეხზე შეხება იყო და იამალის ფეხმაც ადგილი იცვალა, რაც ცოტა შელახულ მოედანზე საკმარისი გამოდგა წასაქცევად. მაგრამ არაო. ეს პენალტი არ არისო. 

16 წლის ბიჭისთვის ალბათ შოკია, გასახდელში ჩავი ეტყვის რომ ყველაფერი წინ აქვს, ლა ლიგაში ისეთებს ნახავს შეიძლება 20 წლისას თმა გასცვივდეს, ან გაჭაღარავდეს. 

ჩავის "ბარსასთვის" ასეთ მომენტებს გადამწყვეტი მნიშვნელობა აქვს, წინა სეზონის მსგავსად ახლაც ბევრი მატჩი იქნება სადაც გუნდი ბეწვის ხიდზე გაივლის, ჰოდა, დღეს ფეხი დაგვიცდა. ან დაგვიდეს. 

ექსპერიმენტი 

დრო იყო ლევანდოვსკის დაესვენა და ამოესუნთქა. ერთი მხრივ კარგია, მეორე მხრივ კი ფორვარდი საერთოდ არ გვყავს მის გარდა. ფერანს მოუწია და როგორ ითამაშა თავად განსაჯეთ, არ ვიცი წინა მატჩი უფრო ცუდი იყო თუ ეს, მაშინ მომენტი მაინც ჰქონდა, ახლა კი საერთოდ არ ჩანდა, ერთხელ გამოჩნდა თამაშგარეში. ისეთი შთაბეჭდილება იქმნება, რომ შეცვლაზე ბევრად ეფექტურია, ჩავისაც მეტი რა უნდა, დასვამს სკამზე და შემოიყვანს ხოლმე, მიზეზი აქვს, თუ მხოლოდ შეცვლაზე შემოსულს გაგაქვს გოლი, მაშინ დაჯექი სკამზე ჯიგარო. 

ის იშვიათი მატჩი იყო, როცა ფერანი და რაფინია ერთად ვიხილეთ მოედანზე, ამათი დუეტი არ გაიშვას. თუმცა, იყო ერთი ოქროს მომენტი, რომელსაც მოგვიანებით მივუბრუნდებით. 

ექსპერიმენტული იყო დაცვის ცენტრიც. არაუხოსთან ერთად ინიგო ვიხილეთ, ცაცია ცენტრალური მცველი. აუცილებელიც კი იყო ცაცია ცენტრის ყოლა, სულ რაღაც 2-3 წლის წინ უმეტესობა ცაცია იყო, ახლა კი მხოლოდ ინიგო გვყავს ასეთი. ნამდვილად არ ჰქონია კარგი მატჩი, ასეთი არეული ცენტრიც იშვიათი სანახავია, უფრო მეტს არც ველოდი ახალდაბრუნებული ფეხბურთელისგან, ერთი პასი კი ძალიან კარგი გააკეთა, მეორე ტაიმში, მთელი "მალიორკას" დაცვა გაჭრა, არ ვიცი, შესაძლოა ვერც გაიხსენოთ, იმიტომ, რომ საინტერესო არაფერი მოჰყოლია ამ პასს. 

რა დაგვაკლდა 

პედრი დიდი ხანია არ არის, პირველ რიგში კი ბრწყინვალე ფორმაში მყოფი დე იონგი დაგვაკლდა, მოგეხსენებათ რომეუს სწორედ ფრენკი აბალანსებს, ის არის მთავარი ამომტანი, რომეუ კი უფრო შავი სამუშაოს შემსრულებელია. ფრენკის გარეშე ძალიან რთულად არის ამ კომპონენტში საქმე, თან რომელი ბუსკეტსი რომეუ მყავს ერთი პასით რომ ბურთი ამოიტანოს?! გავი და მით უმეტეს, გიუნდოგანი ასე სიღრმიდან არასდროს თამაშობენ, ეს მხოლოდ დე იონგს შეუძლია ცენტრალური მცველების ხაზამდე ჩავიდეს და იქიდან წამოიღოს ბურთი. 

ასევე, ძალიან მეუცნაურა ფლანგების ინერტულობა, კანსელუსა და ბალდესგან გაცილებით მეტ აქტიურობას ველოდი, ისეთივე მნიშვნელოვანი ფიგურები უნდა იყვნენ შეტევაში როგორც თავის დროზე ალბა და ალვესი იყვნენ, ორივეს დიდი შემტევი პოტენციალი აქვს, დღევანდელ მატჩში კი იშვიათად ვხედავდით მეტოქის კარის სიახლოვეს. 

კიდევ ფორვარდი დაგვაკლდა ძალიან, თუმცა, ეგ შეგნებული ნაბიჯი იყო. 

ვერ გაიტან, გაგიტანენ 

ჯერ პირველი გოლისა ვთქვათ, აქამდე ნანახი დაცვითი დუეტიდან არაუხოსა და ინიგოს დუეტი ჯერჯერობით ლიდერობს ყველაზე კატასტროფულ წყვილებში. არანაირი ქიმია ამ ორს შორის არ არის, რომელ ბალანსზეა საუბარი?! მე მგონი, ერთმანეთის ენაც კი არ ესმით. 

ყოველთვის რისკია, როცა ცენტრალური მცველები სადებიუტო შეხვედრას ატარებენ ერთად. დღეს ამ რისკმა ვერ გაამართლა. 

პირველი გოლი კაპიტნის სინდისზეა, შტეგენი შეცდა პასის დროს, გადაწყვეტილებაც მცდარი იყო და შესრულებაც. გაზონსაც ვერ დავაბრალებთ, მისი ადგილი ასე გათახსირებული არ ყოფილა. ამ შეცდომას მოჰყვა გოლი, ერთხელ არაუხომ გადაგვარჩინა, მეორედ კი სულ სიმარტოვეში მყოფმა "მალიორკელმა" ახლო მანძილიდან დალაშქრა შტეგენის კარი. 

გამთანაბრებელი კი რივალდოს დარტყმულს ჰგავდა, ოჰ რა კარგი გოლი იყო! ასეთი ძალით თან ასე დაბალი ტრაექტორიით მხოლოდ რივალდო ურტყამდა ხოლმე, ეგ "ბარსელონაში" თორემ იქით კარლოსიც გაუშვებდა ასე დაბალ-დაბალ დარტყმებს. რაფინიამ სისწრაფეში დაიჭირა გადმოვარდნილი ბურთი და ძალიან გემრიელად შეაგდო დაბალ კუთხეში. რაღაცით ენრიკეს გოლიც კი გამახსენდა კლასიკოში, "ბერნაბეუზე". 

"მალიორკა" - "ბარსა" 1:1 

რაფინია - ფერანი 1:0 

მოჰყვა ამ გოლს ძალიან კარგი შეტევები, ჯერ გიუნდოგანის ძალიან კარგი პასი, რაფინიას დაგორება და ჟოაუს გამოზომილი დარტყმა იყო, ნაღდად არ მეგონა, რომ მეკარე აიღებდა, თითქოს იდეალურად დაარტყა ფელიშმა, ზუსტად, ძლიერად, მაგრამ არა, არ გავიდა. 

შემდეგი ეპიზოდი უკვე ფერანი-რაფინიას კომბინაცია და ამ უკანასკნელის ერთი-ერთზე გასვლით დასრულდა, ასეთი სპორტია ფეხბურთი, ამ მაგარი გოლის მერე თავისუფლად შეიძლება რომ ასეთი რაღაცაც იკადრო, გაფუჭებას არა უშავს, პელესაც გაუფუჭებია, უბრალოდ ვერ გავიგე რას აპირებდა. 

დაასაჩუქრა სტადიონზე მისული ქომაგი. თქვენი იყოს, კარგი ბურთია. სახლში წაიღეთ. 

ჰოდა, გაგვატანეს ეგ ბურთი გასახდელში. ორშეხებიანი კომბინაციით - მეკარე - ნახევარმცველის თავური და მეტოქე ერთი-ერთზეა. აქ გაიბრწყინა არაუხო-ინიგოს დუეტმა. მწვანე აანთეს. 

ჩავის ცვლილებები 

ცვლილებებამდე ჟოაუს გასროლა იყო. არ გაუმართლა. არცერთ ეპიზოდში. სამაგიეროდ, ვიცით რასაც აპირებდა, შორეულ კუთხეში დატრიალებას. კარგია, როცა გესმის ფეხბურთელს რა უნდა. ისეთები გამოვიარეთ ბოლო წლებში, რომ ესეც გვახარებს. 

ჩავი თავის გაფუჭებულს თავადვე ასწორებს ხოლმე. იკითხებოდა ლევანდოვსკის გამოყვანა, იკითხებოდა იამალიც, მასთან ერთად კი ფემინიც შემოვიდა, 

მსურდა ჟოაუ და ლამინი ერთად დარჩენილიყვნენ მოედანზე, მაგრამ ეგრე სად არის?! ჩავი წყვეტს ყველაფერს. 

ჩვენი ბიჭი რაფინიასთან ერთად მთავარი სინათლე იყო ამ შეხვედრაში, იმ პენალტის გარდა ბევრი კარგი და დასამახსოვრებელი მომენტი შექმნა, სხვა ყველაფერს რომ თავი დავანებოთ ისეთი მაგარი პირველი შეხება აქვს მარტო ეგ ღირს ყველაფრად. 

გამთანაბრებელი გოლი ძალიან კარგი კომბინაციის შედეგად გავიდა. ისევ იამალი იყო მთავარი კაცი, მაგარი პასი შეაყოლა რაფინიას, დაახლოებით იმ პოზიციაზე საიდანაც წინა შეხვედრაში კანსელუმ გააკეთა საგოლე, ამჯერად რაფინიამ გააკეთა ანალოგიური პასი, ლევანდოვსკიმ გაატარა და ფემინ ლოპესმა ანგარიში გაათანაბრა. 

რაც გინდათ ის თქვით, ცვლილებები გამოიცნო. თამაშის წინ თუ არა, ტაიმის მერე მაინც. 

მომდევნო მატჩი - "სევილიასთან". 

ველით პედრის. დე იონგი ჯერ ძალიან ადრეა. 

კრეატივი გვჭირდება, პედრი მოგვენატრა. 



ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 17 ]

    ინფორმაცია
    ამ სიახლეზე კომენტარები გათიშულია.
    Culé [?]
    #17 27 სექტემბერი 2023 21:21
    0
    ციტატა: BarcaFan❤💙
    ციტატა: nika 54
    გამთანაბრებელი კი რივალდოს დარტყმულს ჰგავდა, ოჰ რა კარგი გოლი იყო! ასეთი ძალით თან ასე დაბალი ტრაექტორიით მხოლოდ რივალდო ურტყამდა ხოლმე, ეგ "ბარსელონაში" თორემ იქით კარლოსიც გაუშვებდა ასე დაბალ-დაბალ დარტყმებს.
    მესის დონეზე თუ ვინმე ურტყავდა დაბალი ტრაექტორიით არ მეგონა. რაც მესის ასეთი გოლები აქვს გატანილი, ვერ დაითვლით ალბათ იმიტომ რო ყოველი მეორე ასეთი ქონდა.

    ცვეტში რა რივალდო და რობერტო კარლოსი რობენი და მესი ყოველ მეორე გოლს ეგეთს იტანდა

    ბრაზილიელები იგულისხმებიან ალბათ..
    ფანი [?]
    #16 27 სექტემბერი 2023 20:03
    0
    ციტატა: nika 54
    გამთანაბრებელი კი რივალდოს დარტყმულს ჰგავდა, ოჰ რა კარგი გოლი იყო! ასეთი ძალით თან ასე დაბალი ტრაექტორიით მხოლოდ რივალდო ურტყამდა ხოლმე, ეგ "ბარსელონაში" თორემ იქით კარლოსიც გაუშვებდა ასე დაბალ-დაბალ დარტყმებს.
    მესის დონეზე თუ ვინმე ურტყავდა დაბალი ტრაექტორიით არ მეგონა. რაც მესის ასეთი გოლები აქვს გატანილი, ვერ დაითვლით ალბათ იმიტომ რო ყოველი მეორე ასეთი ქონდა.

    ცვეტში რა რივალდო და რობერტო კარლოსი რობენი და მესი ყოველ მეორე გოლს ეგეთს იტანდა
    საიტის ლეგენდა  [?]
    #15 27 სექტემბერი 2023 19:48
    0
    გამთანაბრებელი კი რივალდოს დარტყმულს ჰგავდა, ოჰ რა კარგი გოლი იყო! ასეთი ძალით თან ასე დაბალი ტრაექტორიით მხოლოდ რივალდო ურტყამდა ხოლმე, ეგ "ბარსელონაში" თორემ იქით კარლოსიც გაუშვებდა ასე დაბალ-დაბალ დარტყმებს.
    მესის დონეზე თუ ვინმე ურტყავდა დაბალი ტრაექტორიით არ მეგონა. რაც მესის ასეთი გოლები აქვს გატანილი, ვერ დაითვლით ალბათ იმიტომ რო ყოველი მეორე ასეთი ქონდა.
    წევრი [?]
    #14 27 სექტემბერი 2023 15:01
    3
    ციტატა: Nodariko Dzadzamia
    sob ჩემი აზრით იამალი ჩვეულებრივი ანსუ ფატია ოღონდ მაროკოელი, არაფერი განსაკუთრებული, კი ჯერ ახალგაზრდაა, მარა მაინც, ვნახოთ მომავალში, მარა მაინც არ მჯერა მაგის სუპერსტარობის, ისე გამოჩნდა რომ გუნდოგანი დებრუინის გარეშე ჩვეულებრივი სტოლბაა, კაზემიროზე მოყვება გული ძაან გაქაჩავდა ორი-სამი სეზონი კიდე sob

    რეალ მადრიდის ყველაზე ნორმალური ფანი sob

    რატოა იამალი ანსუ ფატი? ზამენიდან შემოსული 16 წლის ბავშვი ყველა თამაშში გოლს რომ ვერ იტანს? ძალიან მაგარი ბავშვია რომელსაც დიდი ტალანტი აქვს უბრალოდ ამ ტალნტს მოფრთხილება და კოდევ უფრო განვითარება სჭირდება. როდის და როდის და გუშინდელი თამაშის შემდეგ იამალზე ხელის ჩაქნევა ცოტა მეუცნაურებაა 😂
    ფანი [?]
    #13 27 სექტემბერი 2023 12:56
    2
    ციტატა: პეპ გუარდიოლა
    ციტატა: BarcaFan❤💙
    ციტატა: პეპ გუარდიოლა
    სამწუხაროდ ისევ იმ ნეხვში ვართ სადაც ვიყავით, ლალიგაში ყველაზე დიდი რესურსი გვაქვს და შედეგს ვერ ვდებთ,გუნდი წვალობს, პრობლემა უკვე ჩავიშია და არა ფეხბურთელებში. როტაცია არიცის , ყველას ერთად ასვენებს და შედეგიც ესაა, დაცვას რაც შეეხება, ჩემი აზრით კუნდე კრისტენსენის წყვილი ყველაზე საიმედო ცენტრია და არაფრით არუნდა დაიშალოს.

    საიდან გამომდინარე გვაქ ყველაზე დიდი რესურსი?😀 სკამზე წესიერი ნახევარც მცველი ვინ გვაყავს მითხარი ერთი არის გუნდოგანი სხვა ვინ მარჯვენ ადა მარცხენა ფლანგზე მარტო თითო ფეხბურთელი გვყავს ერთადერთი სადაც ფეხბურთელები არ გვაკლია მარჯვენა ფლანგია და დაცვის ცენტრი

    ცენტრში გვყავს დეიონგი გავი პედრი გუნდოგანი რომეუ ფერმინი და რობერტო, რას უწუნებ? დეიონგი გავი პედრი გუნდოგანი ოთხივე ძირითადის კაცია და სად მიგყავს მითხარი? ერთერთი უნდა დასვა სკამზს ხო? რაგინდა ახლა 3 ძირითადის კაცი მოვიყვანოთ და სკამზს დავსვათ მინიმალური ხელფასით? გაგვიჩერდება ვინმე? კეთილი ინებოს ჩავიმ და შედეგი დადოს, მალიორკას უფრო მაგარი ვინ ყავს ან ჟირონას ან რეალს ან ატლეტიკოს? სილვა მინდიდა მაგრად და მართლა რო დაგვემატებია რას უპირებდა ან სად ათამაშებდა? საქმე არასწორ ტაქტიკაშია და არასწორ როტაციაში, კუნდეს დასვენების აუცილებლობა არ იყო, ცენტარალური მცველების როტაცია მთლად მარტივი საქმე არაა, ერთი გაუგებრობა და გოლოთ დამთავრდება, გუშინ იღბალმაც გვიმტყუნა მართალია, პენალი არ დაგვიდეს, იქით კიდე შტეგენის შეცდომაც და საბოლოოდ წაგებას გადავრჩით, ასეთი თამაშები იქნება მაგრამ რაღაც უნდა ვისწავლოთ და განვითარდეთ, გუნდს ფორმაში შესვლა ჭირდება და ამხელა როტაციები არაა მთლად კარგიც

    ჩავიმ თუ კიდე 1 ასეთი თამაში ჩაატარა მე ნაღდად დავუბრუნდები იმ ძველ გინებებს მარა ამჯერად გუნდში ნახევარ დაცვა არ არის დეიონგის და პედრის დამტვრევის მერე
    გულშემატკივარი [?]
    #12 27 სექტემბერი 2023 12:48
    2
    დე იონგის გარეშე ბევრს ვიწვალებთ.
    --------------------
    •Barca forever•
    Culé [?]
    #11 27 სექტემბერი 2023 11:38
    0
    ციტატა: BarcaFan❤💙
    ციტატა: პეპ გუარდიოლა
    სამწუხაროდ ისევ იმ ნეხვში ვართ სადაც ვიყავით, ლალიგაში ყველაზე დიდი რესურსი გვაქვს და შედეგს ვერ ვდებთ,გუნდი წვალობს, პრობლემა უკვე ჩავიშია და არა ფეხბურთელებში. როტაცია არიცის , ყველას ერთად ასვენებს და შედეგიც ესაა, დაცვას რაც შეეხება, ჩემი აზრით კუნდე კრისტენსენის წყვილი ყველაზე საიმედო ცენტრია და არაფრით არუნდა დაიშალოს.

    საიდან გამომდინარე გვაქ ყველაზე დიდი რესურსი?😀 სკამზე წესიერი ნახევარც მცველი ვინ გვაყავს მითხარი ერთი არის გუნდოგანი სხვა ვინ მარჯვენ ადა მარცხენა ფლანგზე მარტო თითო ფეხბურთელი გვყავს ერთადერთი სადაც ფეხბურთელები არ გვაკლია მარჯვენა ფლანგია და დაცვის ცენტრი

    ცენტრში გვყავს დეიონგი გავი პედრი გუნდოგანი რომეუ ფერმინი და რობერტო, რას უწუნებ? დეიონგი გავი პედრი გუნდოგანი ოთხივე ძირითადის კაცია და სად მიგყავს მითხარი? ერთერთი უნდა დასვა სკამზს ხო? რაგინდა ახლა 3 ძირითადის კაცი მოვიყვანოთ და სკამზს დავსვათ მინიმალური ხელფასით? გაგვიჩერდება ვინმე? კეთილი ინებოს ჩავიმ და შედეგი დადოს, მალიორკას უფრო მაგარი ვინ ყავს ან ჟირონას ან რეალს ან ატლეტიკოს? სილვა მინდიდა მაგრად და მართლა რო დაგვემატებია რას უპირებდა ან სად ათამაშებდა? საქმე არასწორ ტაქტიკაშია და არასწორ როტაციაში, კუნდეს დასვენების აუცილებლობა არ იყო, ცენტარალური მცველების როტაცია მთლად მარტივი საქმე არაა, ერთი გაუგებრობა და გოლოთ დამთავრდება, გუშინ იღბალმაც გვიმტყუნა მართალია, პენალი არ დაგვიდეს, იქით კიდე შტეგენის შეცდომაც და საბოლოოდ წაგებას გადავრჩით, ასეთი თამაშები იქნება მაგრამ რაღაც უნდა ვისწავლოთ და განვითარდეთ, გუნდს ფორმაში შესვლა ჭირდება და ამხელა როტაციები არაა მთლად კარგიც
    ფანი [?]
    #10 27 სექტემბერი 2023 11:01
    1
    ციტატა: პეპ გუარდიოლა
    სამწუხაროდ ისევ იმ ნეხვში ვართ სადაც ვიყავით, ლალიგაში ყველაზე დიდი რესურსი გვაქვს და შედეგს ვერ ვდებთ,გუნდი წვალობს, პრობლემა უკვე ჩავიშია და არა ფეხბურთელებში. როტაცია არიცის , ყველას ერთად ასვენებს და შედეგიც ესაა, დაცვას რაც შეეხება, ჩემი აზრით კუნდე კრისტენსენის წყვილი ყველაზე საიმედო ცენტრია და არაფრით არუნდა დაიშალოს.

    საიდან გამომდინარე გვაქ ყველაზე დიდი რესურსი?😀 სკამზე წესიერი ნახევარც მცველი ვინ გვაყავს მითხარი ერთი არის გუნდოგანი სხვა ვინ მარჯვენ ადა მარცხენა ფლანგზე მარტო თითო ფეხბურთელი გვყავს ერთადერთი სადაც ფეხბურთელები არ გვაკლია მარჯვენა ფლანგია და დაცვის ცენტრი
    გულშემატკივარი [?]
    #9 27 სექტემბერი 2023 11:00
    1
    sob ჩემი აზრით იამალი ჩვეულებრივი ანსუ ფატია ოღონდ მაროკოელი, არაფერი განსაკუთრებული, კი ჯერ ახალგაზრდაა, მარა მაინც, ვნახოთ მომავალში, მარა მაინც არ მჯერა მაგის სუპერსტარობის, ისე გამოჩნდა რომ გუნდოგანი დებრუინის გარეშე ჩვეულებრივი სტოლბაა, კაზემიროზე მოყვება გული ძაან გაქაჩავდა ორი-სამი სეზონი კიდე sob

    რეალ მადრიდის ყველაზე ნორმალური ფანი sob
    ფანი [?]
    #8 27 სექტემბერი 2023 10:59
    0
    ჩავის მატჩის შემდეგ არაფერი უთქვამს?
    სადღაც ვნახე მალიოკრას მწვრთნელმა თქვა რომ პენალტი დასანიშნი იყოო😀
    გულშემატკივარი [?]
    #7 27 სექტემბერი 2023 09:22
    4
    ყველა მატჩს გვარდიოლას ბარსაც ვერ იგებდა, გუშინ ისეთ გუნდს ეთამაშებოდნენ რომ ხავის უნდა გაერისკა და რაც შეიძლება მეტი უთამაშებელი ფეხბურთელისთვის მიეცა შანსი. თუ მალიორკასთან არ მოიქცევი ეგრე და შეაკლავ ძირითად სასტავს, მერე ჩემპიონთა ლიგაზე ვინ უნდა ითამაშოს? სეზონი გრძელია და სულ საუკეთესო 11-ს ვერ ათამაშებ. რეალიც ბევრ ქულას დაკარგავს ასეთ გუნდებთან, ასე რომ წელსაც დიდი უპირატესობით მგონია რომ მოვიგებთ, არაფერია საპანიკო
    [?]
    #6 27 სექტემბერი 2023 08:58
    2
    როცა დაცვის საუკეთესო დუეტს შლი და ორი უფორმო მცველით გამოდიხარ გუნდთან რომელსაც მეორე სართულის მოგების მაღალმაჩვენებლიანი ფორვარდი ყავს, უნდა იცოდე შედეგი რა მოყვება, არ უთხრა ხელოვნურმა ინტელექტმა? კი ფეხბურთელების მაზვები მწვრთნელის ბრალი არაა იმას თუ არ ჩავთვლით რო სასტავს მწვრთნელი ირჩევს, აქ როტაციის ტიპზეა საუბარი. როცა ისედაც ძირითადის 2 კაცი გაკლია, კიდევ 3 ის შეცვლა სტუმრად არაა სწორი. შეიძლება სულ წაგვეგო მარა ფაქტი ისაა რო დაცვის ამ დუეტით გამოსვლა ჯერ ჯერობით ნაადრევი იყო. შეცვლებზეც რა უნდა ითქვას, ვფიქრობ ფელიში დასატოვებელი იყო უფრო მეტ ხანს. ყველაზე არაპროგნოზირებადია, ხან გაისვრის, ხან მაგარ პასს გაჩითავს. მარცხენა ფლანგი მოკვდა, ბალდე ვერაფერს აკეთებდა და მთელი ტვირთი იამალს დააწვა. მოკლედ წელს ლა ლიგის მოგების მცირე შანსი გვაქვს. მსაჯებიც კარგად "შეგვიწყობენ" ხელს. ეგ სეზონის სტარტზეც დავაანონსე
    ფანი [?]
    #5 27 სექტემბერი 2023 07:02
    4
    ნუ რა უნდა ითქვას აქ ზოგს ჩავიზე დასხმა, ჩვევად ექცად არადა ერთდროულად 5 ახალწვული იყო მოედანზე და ფაქტია რომ გარკვეული დრო დაჭირდება მათ შეთამაშებას, თუ არ ითამაშეს ერთად სხვანაირად როგორ შეთამაშდებიან?! ეს იმ დროს როდესაც ძირითადის 2 ფეხბურთელი დაგვაკლდა და იძულებულიც კი იყო ჩავი მსგავსი ტაქტიკით და შემადგენლობით ეთამაშა. ცოტა არ გაგვიმართლა რამდენიმე ფეხბურთელმა თამაში ჩააგდო ასე რომ საერთოდ არაფერი მომხდარა ისეთი რომ განგაში ავტეხოთ და თავში ხელი შემოვირტყათ. ვაცადოთ ამ კაცს საქმის კეთება.
    გულშემატკივარი [?]
    #4 27 სექტემბერი 2023 04:41
    5
    ციტატა: პეპ გუარდიოლა
    სამწუხაროდ ისევ იმ ნეხვში ვართ სადაც ვიყავით, ლალიგაში ყველაზე დიდი რესურსი გვაქვს და შედეგს ვერ ვდებთ,გუნდი წვალობს, პრობლემა უკვე ჩავიშია და არა ფეხბურთელებში. როტაცია არიცის , ყველას ერთად ასვენებს და შედეგიც ესაა, დაცვას რაც შეეხება, ჩემი აზრით კუნდე კრისტენსენის წყვილი ყველაზე საიმედო ცენტრია და არაფრით არუნდა დაიშალოს.

    ჩავის ბრალი რანაირადაა ის რაც ამ მატჩში შტეგენმა აკეთა??? ან გიუნდოგანი რო ტრუპია??? ან რომეუ დე იონგის გარეშე რო არაფერია საერთოდ?? ან ის რომ ფერანმა ერთი-ერთზე ვერ გაიტანა, ისევე როგორც რაფინიამ??? ან ის რომ ინიგოც და არაუხოც ცუდები იყვნენ??? კანსელუ რო კატადტროფულად თამაშობდა ეგეც ჩავის ბრალი ხომ არ იყო??? გავის გარდა ამ შეხვედრაში ყველა ჩააგდო მატჩი… ჩავის სწორი ტაქტიკა ჰქონდა შერჩეული და უბრალოდ არ გაუმართლა იმაში რო ტერ შტეგენს კარიერაში ყველაზე ცუდი მატჩი ჰქონდა ალბათ… დრო გვაჩვენებს ყველაფერს….
    Culé [?]
    #3 27 სექტემბერი 2023 04:36
    0
    სამწუხაროდ ისევ იმ ნეხვში ვართ სადაც ვიყავით, ლალიგაში ყველაზე დიდი რესურსი გვაქვს და შედეგს ვერ ვდებთ,გუნდი წვალობს, პრობლემა უკვე ჩავიშია და არა ფეხბურთელებში. როტაცია არიცის , ყველას ერთად ასვენებს და შედეგიც ესაა, დაცვას რაც შეეხება, ჩემი აზრით კუნდე კრისტენსენის წყვილი ყველაზე საიმედო ცენტრია და არაფრით არუნდა დაიშალოს.
    გულშემატკივარი [?]
    #2 27 სექტემბერი 2023 04:17
    0
    ციტატა: Pirat❤️💙
    ნახევარდაცვაში გვინდა რა ხალხი იმედია ცოტა მოვძლიერდებით სეზონის ბოლომდე ფინანსურად ვირცი ან ბერნარდო გვინდა და + ერთი კაი საყრდენი

    ვირცი და ბერნარდუ ძალიან ბევრია, მაშინ ვინმე უნდა გაუშვან. საყრდენი გვინდა პირველ რიგში.
    ფანი [?]
    #1 27 სექტემბერი 2023 03:55
    1
    ნახევარდაცვაში გვინდა რა ხალხი იმედია ცოტა მოვძლიერდებით სეზონის ბოლომდე ფინანსურად ვირცი ან ბერნარდო გვინდა და + ერთი კაი საყრდენი