ერთი მატჩის ისტორია

ერთი მატჩის ისტორია

"ბარსა" თასზე "რეალ სოსიედადს" შეხვდება. მათთან ბევრჯერ გვითამაშია, აგერ, მერამდენე წელია, ყოველ სეზონში გვიწევს მინიმუმ ორჯერ თამაში, ხანდახან თასზეც გადაგვეყრებიან ხოლმე, როგორც ამჯერად მოხდა, მეოთხედფინალში. გასახსენებელი ბევრია, გოლებიც ლამაზი გასულა, მაგრამ პირველი, რაც გამახსენდა, იმაზე მოგითხრობთ. 

ცოტა შორს მომიწევს წასვლა, "ბარსელონას" ხანგრძლივ აღდგომას ვადევნებდით თვალს. წინა სეზონში გარდაიცვალა და მერე დიდი ცვლილებების დრო მოვიდა. ლაპორტა.. რონალდინიო.. და ა.შ. 

29-ე ტურში შეხვდნენ ერთმანეთს, "ბარსას" უკვე მაგარი აწყვეტილი აქვს, ზამთარი და ედგარ დავიდსის ტრანსფერი უკან არის მოტოვებული, ზედიზედ რვა თამაში აქვს გუნდს მოგებული, თან საოცარი ფეხბურთით, რონალდინიო დაფრინავს და უკვე ყველამ იცის, რომ მსოფლიოს საუკეთესო ფეხბურთელი "ბარსელონაში" თამაშობს, უკვე ყველამ იცის, რომ ეს დასაწყისია. 

უცნაური მატჩი გამოვიდა, ოვერმარსი მარცხნივ უკეთესიაო, რაიკაარდმა გადაწყვიტა, ჰოდა, რონალდინიო მარჯვენა ფლანგზე აღმოჩნდა. რა თქმა უნდა, ცენტრისკენ იწევდა ხოლმე, მაგრამ ძირითადად მარჯვნივ მოძრაობდა. რაიკაარდმა იცოდა ასეთი გაფრენები, მაგალითად, "სევილიასთან" მესი დააყენა მარცხენა ფლანგზე. 

რაღაც ახალი იყო, დრიბლინგიც სხვაგვარი ვიხილეთ, ეს არ ჰგავდა "ბილბაოსთან" დრიბლინგს, როცა ყველა დროის ერთ-ერთ საუკეთესო გოლამდე მილიმეტრები დააკლდა, სულ სხვა ამბავი იყო, მარცხნიდან დრიბლინგზე წასულმა იცოდა, რა უნდა ექნა და როგორ, მარჯვნიდან დაძრული კი გზად იფიქრებდა ყველაფერს, მცველების განლაგების შესაბამისად, - ოთხი მეტოქე ჩამოიცილა და დარტყმა აღარ გამოვიდა, არადა, ერთ-ერთი საუკეთესო გოლი იქნებოდა.. 

მერე რაღაც ანომალიურიც ვნახეთ, კარლეს პუიოლი დაიძრა ფრანც ბეკენბაუერივით, დაიძრა თავისი ნახევრიდან, ისევე მიმოფანტა მცველები, როგორც რონალდინიომ, კარშიც ზუსტად დაარტყა და მეკარემ აჯობა. მახსოვს, პირდაღებული ვუყურებდი ამ სცენას, პუიოლში რონალდინიო ჩასახლდა, ვისზე ნაკლები ვარო და გაიქცა გიჟივით.

არც ეგ გავიდა. არ გვიმართლებდა. 

სხვათა შორის, ბასკების რიგებში ჩაბი ალონსო თამაშობდა, მაგრამ ედგარმა შეჭამა. ედგარი სულ მშიერი ბიჭი იყო და ზამთრიდან მოყოლებული მაგარი მადაც ჰქონდა, ჭამა და ჭამა, სეზონის ბოლოს კი აღმოჩნდა, რომ ფულშიც მაგარი მადა ჰქონია და წასვლა მოუხდა. 

თამაშს რომ მივუბრუნდეთ - კიდევ ერთ დრიბინგზე დაგვაფიქრებს, ისევ რონალდინიო გაიჭრა, ისევ მარჯვენა ფლანგიდან, ძალიან ჰგავდა ეს დრიბლინგი "ბერნაბეუზე" წამოწყებულს, იმავე სეზონში, "მადრიდთან", ზუსტად ასევე დაარტყა, ზუსტად ასევე მოიგერია კასილიასმაც. ჰქონდა რონის თავისი ხუშტურები, ზუსტად განსაზღვრული, საიდან როგორ უნდა დაერტყა, რომელი ფინტის მერე როგორ უნდა მოექნია ფეხი, სულ "ენფილდი" მახსენდება და მისი გაცუდებული მომენტი, შეეძლო მარტივად შეეგდო, მაგრამ არა! ცხრიანში სურდა, ისევე გააქანა, როგორც ლუის სუარესმა პსჟ-სთან, ზუსტად იგივე პოზიციიდან, სუარესის დარტყმული ბადეში აფართხალდა, რონიმ კი ცხრიანის ჩარჩოს გაარტყა. ეგეთი იყო, ერჩივნა, ლამაზად დაერტყა და აეცილებინა, ვიდრე უბრალო გოლი შეეგდო. 

სილამაზე მსხვერპლს მოითხოვს. 

ამ თამაშში კიდე მოახლოვდა ეს ბოლო წუთი, ჩამოყარა ყველამ ყური, იმიტომ, რომ მთავრდება ეს მატჩი და 0:0 წერია ტაბლოზე. არადა, "ბარსას" ისე აქვს აკრეფილი, ჩემპიონობაზე იწევს. მეორე წრეში ყველა ფავორიტს მოუგო, წინ კლასიკოა და იმასაც მოიგებს, ახლა კიდე ბოლო წუთია "კამპ ნოუზე" და ბაკსები მაგრად იბრძვიან! იღბალიც მაგათია და ღმერთებიც მაგათთან არიან. 

ამ დროს, 88-ე წუთზე დაინიშნა ჯარიმა. 

ან იქნებ, 87-ეზე დაინიშნა და ერთი წუთის მერე აღრიალდა სტადიონი.. 

დადგა ისე, როგორც დგებოდა, დაარტყა ისე ლამაზად, როგორც ურტყამდა ხოლმე და ძალიან დიდი სიხარულიც მოგვიტანა. ბოლო წუთებზე გატანილს სულ სხვა ემოცია მოაქვს. 

ეს მისი პირველი სეზონი იყო. დიდი ამბების დასაწყისი. 

გაიქცა და მაგრად იზეიმა. 

"ბარსამ" ზედიზედ მეცხრე მატჩი მოიგო. 

აი, მომდევნო თამაშებში რაღაც მაინც აირია, რაიკაარდი ეიფორიამ შეიპყრო და მუხტი აღარ გვეყო, მიუხედავად იმისა, რომ "ბერნაბეუზე" ბრწყინვალე მატჩი მოვიგეთ. 

დარჩენილ ცხრა ტურში "ბარსამ" 5 მოიგო, 2 ფრე ითამაშა და 2 წააგო. 

"ვალენსიამ" ხუთი ქულით გვაჯობა. თუმცა, გულდაწყვეტილი მაინც არავინ ყოფილა, ჯადოქარი ჩვენთან იყო და მომავალი ჩანდა ძალიან მდიდარი და ლამაზი. 

აგერ, ცუდი ხარისხით, მაგრამ მაინც.. იმ მატჩის მიმოხილვა: 


ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 8 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
    ფანი [?]
    #8 25 იანვარი 2023 17:43
    1
    ერთი სიამოვნებაა იმის გახსენება რომ ეს ჯადოქარი ბარსას მაისურით ჩადიოდა საოცრებებს..
    საიტის ლეგენდა  [?]
    #7 25 იანვარი 2023 15:22
    0
    ციტატა: alen halilovic
    21 მარტს ყოფილა ეს თამაში, თუ გამოიცნობთ აბა ვისი დაბადების დღეა :D მადლობა ლამაზი ამბების ლამაზად გახსენებისთვის კიდევ ერთხელ

    კუმანით დავიწყოთ! დაბადებული 1963წელს. მერე მივაყოლოთ: 1960 აირტონ სენა— ბრაზილიელი ავტომრბოლელი, 1961 ლოთარ მათეუსი,— გერმანელი ფეხბურთელი.
    Culé [?]
    #6 25 იანვარი 2023 06:52
    2
    რონი 🥺 ... ერთადერთი პოტენციალი რომელსაც თვით მესის დაჩრდილვაც შეეძლო .. უბრალოდ დიდებული ჯადოქარი..
    --------------------
    Other clubs : We have money !
    Barcelona : We have Alemani..
    Culé [?]
    #5 25 იანვარი 2023 00:32
    3
    ფეხბურთის ლეონარდო და ვინჩი ! ერთადერთი ადამიანი იყო ჩემთვის რომლის თამაშის დროსაც ტაბლო და ანგარიში საერთოდ არ მაინტერესებდა იმიტომ რომ დიდი მხატვრის თამაშს ვუყურებდი და ზუსტად ისეთივე სიამოვნებას ვიღებდი მე როგორც მაყურებელი როგორც თითონ რონალდინიო ფეხბურთელი თამაშის დროს
    Culé [?]
    #4 24 იანვარი 2023 23:36
    3
    21 მარტს ყოფილა ეს თამაში, თუ გამოიცნობთ აბა ვისი დაბადების დღეა :D მადლობა ლამაზი ამბების ლამაზად გახსენებისთვის კიდევ ერთხელ
    Culé [?]
    #3 24 იანვარი 2023 19:09
    6
    რონალდინიო იყო კაცი რომელმაც დაანათლა საუკეთესოობა მესის
    --------------------
    ბარსელონა ეს ჩემი ცხოვრებაა


    me miyvars barsa,da meyvareba sicocxlis bolomde.......


    kule samudamod


    alenya the talent, puig isn't the talent.


    ალენია არის ინიესტა ნ2, ხოლო პუჩი-ჩინური ინიესტა
    ფანი [?]
    #2 24 იანვარი 2023 17:27
    5
    სიამოვნება იყო რონალდინიოს თამაშის ყურება რა, კაი დრო იყო, ტიტულების მოგებას ისევ მირჩევნია სიამოვნება მივიღო ბარსას თამაშისგან, როგორც ადრე იყო, სადღაა არიან ესეთი ტექნიკური ფეხბურთელები, არა და დაგვხატავდა რააა
    ფანი [?]
    #1 24 იანვარი 2023 17:22
    6
    სხვისი არ ვიცი მარა ჩემთვის რონი ნამდვილი ფეხბურთის მეფეა
    ეს ჩემი აზრია და რაც გინდათ ის თქვით