მატჩისშემდგომი მიმოხილვა: დამბოს შოუ, ლევანდოვსკის ჰეთთრიქი

მატჩისშემდგომი მიმოხილვა: დამბოს შოუ, ლევანდოვსკის ჰეთთრიქი

 ლიგა დაიწყო!

„პლზენი“ გათავდა. ისედაც ცოტა იყო.

პროგრამა შესრულდა, „ბარსას“ დიდი ანგარიშით უნდა მოეგო და მოიგო, ოთხბურთიანი სხვაობა კარგია, მშრალი კარი ბევრად კარგი იქნებოდა, მაგრამ არ გამოვიდა. შეუთანხმებელ თამაშს „ბარსას“ კარში გოლი მოჰყვა, შეუთანხმებლობა კი მოულოდნელი არ ყოფილა, ასეთი დაცვის ხაზი ჯერ არ გვყოლია, - სერჟი რობერო, (კაპიტნის სამკლავურით) კრისტენსენი, კუნდე, ალბა.

მიეცათ ბიჭებს თამაშის საშუალება, კრისტენსენის ჩატარებული მატჩით ვნახეთ, რომ გარსია მართლაც სჯობნის, ეს ჩანს როგორც გარსიას, ისე კრისტენსენის თამაშის დროს.  პენალტიც მივიღეთ, წითელი ბარათიც, მერე გაუქმდა, სამართლიანად, სანამ კრისტენსენი მეტოქეს წააქცევდა, მანამდე ხელი გაარტყეს სახეში, დაანოკაუტეს და სწორედ ამის გამო წააქცია თავდამსხმელი, თუმცა, გამეორებაზე გამოჩნდა, რომ პოზიცია მაინც დაკარგული ჰქონდა. რომ არა დარღვევა, წაქცევით არ წააქცევდა, სამაგიეროდ, დიდი ალბათობით გოლს მივიღებდით, ან შტეგენი შეგვახსენებდა თავს.

მოკლედ, დარჩა კრისტენსენი მეოთხე ვარიანტად და ასე თუ განაგრძო მეხუთეც გახდება. მეორე ტაიმში ჟერარ პიკე გამოვიდა მოედანზე, კაპიტნის სამკლავურიც გადაიბარა. ისიც და ალბაც ბევრს მოძრაობდნენ, ჯერ კიდევ სურთ დამტკიცება, რომ თამაში შეუძლიათ, „პლზენთან“ ნამდვილად შეუძლიათ.

ნახევარდაცვასაც მიეცა დასვენების საშუალება, კერძოდ, ბუსკეტსსა და გავის. მათ ნაცვლად ფრენკი დე იონგი და კესიე ვნახეთ საქმეში. ამ უკანასკნელმა ანგარიში გახსნა, თავური დარტყმით. პასი კუნდემ გააკეთა, ჯერ არ მოსულა და უკვე საუკეთესო მეპასეებს ეჭიდავება. ეს კაცი გოლსაც გაიტანს, სტანდარტულები „ბარსას“ შესრულებით ძალიან სახიფათო უნდა გახდეს, ერთდროულად არაუხო, კუნდე, ლევანდოვსკი, ძალიან დიდი უპირატესობაა.

რთული იყო ამ მატჩში ცუდი თამაში გქონოდა, „ბარსა“ მთელი მატჩის განმავლობაში აკონტროლებდა მოედანს, მომენტებიც მრავლად იყო. ნახევარდაცვის ტრიოში ისევ პედრი გამოირჩა, ყველაზე კარგად კი შემტევმა სამეულმა ითამაშა, უფრო სამართლიანად რომ შევაფასოთ, ორეულმა, - ლევანდოვსკიმ და დემბელემ.

ასე რომ, ვისაც შანსი მიეცა, წარუშლელი კვალი ნამდვილად ვერ დატოვა. ვერც ფატიმ, ვერც ფრენკიმ, ვერც ალბამ, ვერც კრისტენსენმა. თუმცა, ის მაინც გამოჩნდა, რომ „ბარსას“ ძალიან დიდი რესურსი აქვს.

ლევანდოვსკიმ და დემბელემ შოუ დადგეს. დემბელე ხანდახან ლამბორგინივით არის, ისეთი სწრაფია გეგონება გაზონს საერთოდ არ ეხება, მიწაზე ფეხს არ დგამს, დაფრინავს, ხანდახან იმდენს დაფრინავს რომ დაშვება ავიწყდება, წონაში თუ მოიმატა ოდესმე ალბათ საჰაერო ბურთი გახდება.

„პლზენის“ მცველებს განკითხვის დღე მოუწყო, მის ფლანგზე აღმოჩენილ ყველა მცველს ერთხელ მაინც დაარტყა წრე, პირველ ტაიმშიც, მეორეშიც, ლამბორგინივით დაძვრებოდა მცველებს შორის, აი, ტაიმის მიწურულს რაც ვნახეთ ამას დამბოსგან არ ველოდი, ბურთი დაიკარგა, მცველი მშვიდად აპირებდა შეტევის დაწყებას, დემბელე კი „სასიკვდილო ფეხბურთის“ ვარსკვლავივით გაექანა და ვარდნაში ბურთი დაითრია, დროც ჰქონდა, სივრცეც და იდეალური სიზუსტის პასი გააკეთა, ლევანდოვსკიმ ლამაზ ნახტომში შეაგდო.

ესეც ასე, ვალი დაბრუნებულია. ლა ლიგის ბოლო ტურში ჩადენილი უნამუსობა ასე გამოისყიდა, მეორე ტაიმში კი მეტოქეს სხვა რამე შესთავაზა, რაღაც უფრო უკეთესი, 25 მეტრიანი პასი.

ე.წ „პარაშუტი“ გადაკიდა და ფერან ტორესმაც იდეალური დარტყმით შეაგდო, სუარესის სტილში, უალამაზესი გამოვიდა. „ბარსას“ ისტორიულად გააქვს ასეთი გოლები და ძალიან მალე ვიდეო კოლაჟსაც შემოგთავაზებთ, იმიტომ, რომ ერთდროულად რამდენიმე გოლი ამოტივტივდა გონებაში, ჰოდა, ვნახოთ რომელი სჯობია.

ეს იყო „დამბოს“ ერთ-ერთი საუკეთესო მატჩი „ბარსაში“.

ლევანდოვსკიმ კი ჰეთთრიქი გაიფორმა. დაიწყო და აღარ ჩერდება. მადა აქვს, იცოცხლე! რა გააჩერებს..

ეს რა დარტყმები ვნახეთ, ტყუპები, შორეულ დაბალ კუთხეში, აბა, მესი როგორ არ გაგვახსენდეს, ის მარცხენათი აგდებდა ასე ბილიარდის ბურთივით, ლევანდოვსკი მარჯვენათი ატრიალებს, ერთი, მეორე, მესამე, ნამდვილი ცხრიანია, შეგვაყვარა თავი, მალე იმაზეც დაგვაფიქრებს, ნეტავ ცოტა ადრე მოსულიყოო, თუმვა, ვინ იცის, კიდევ რამდენს ითამაშებს.

გარდა ამ გოლებისა, გამოსაყოფია მისი პასი, ქუსლით, პედრიზე, უკვე მათი ტრადიციული კომბინაციის შესრულებისას. ცოტა დააკლდათ გოლამდე, კიდევ ერთი შედევრი იქნებოდა.

გავიმ პედრი შეცვალა, პაბლო ტორეც ვიხილეთ, ჩავის მოსწონს ეს ბიჭი, რიკი პუჩს ათი თავით ურჩევნია. პიანიჩი წავიდა, პაბლოსთვის კი სათამაშო დრო კიდევ გამოჩნდება.

დეპაის შემოსვლა კი ბოლოსკენ მოვიტოვე, ალბათ იმიტომ, რომ კარგი შთაბეჭდილება დატოვა, მიუხევადა იმისა, რომ გოლი არ შეუგდია, ფერანზე და ფატიზე კარგ ფიზიკურ ფორმაში მომეჩვენა, მისი საფირმო ფინტიც შემოგვთავაზა, რონალდინიოს სტილში. არ ვიცი ჯდება თუ არა ჩავის გემოვნებაში, მაგრამ, წესით, რაფინია-დემბელეს შემდეგ პირველი კანდიდატი უნდა იყოს. ფატი და ფერანი ფორმაში შესვლას აგვიანებენ.

კარგი მატჩი იყო. გოლებიც ლამაზი.

„ბაიერნმა“ „ინტერი“ დაამარცხა. გასვლაზე.

ვერ ვიტყვით, რომ მოულოდნელია.

წინ რა გველის? ჯერ „კადისი“ გასვლაზე, შემდეგ კი „ბაიერნი“, ასევე გასვლაზე.

აბა, ვის სცალია მოსაწყენად?!  


ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 11 ]

    ინფორმაცია
    ამ სიახლეზე კომენტარები გათიშულია.
    ფანი [?]
    #11 8 სექტემბერი 2022 13:48
    0
    ციტატა: Don_Andresito
    ციტატა: ChuxrELia
    კუნდეს სიმაღლეზე რო ღადაობდა კამანდა, ტიპმა ორი ასისტი თავით გააკეთა და მეტი რა ქნას smiley smiley ისეთი აღნაგობა და ტანი აქვს, თუ დააკვირდებით, იდეალურად მოძრაობს და ხტება სიმაღლეზე, ეგ და როინა მაგარ ცენტრს დადებენ. ლევანაზე არც ვიცი რა დავწერო, ზე ფორვარდია, ჯერ ალბათ ადრეა, მაგრამ სავარაუდოდ ჯეკაზე დიდ სახელს დატოვებს როგორც ბარსას 9 ნომერი sunglasses

    სუარესზე დიდი სახელის დასატოვებლად დრო აქვს ცოტა, ასაკის გამო. მაგრამ სამაგირროდ ლიდერია, სუარესიც იყო მარა მაინც ლეოს ჩრდილში. ეს ერთპიროვნული ლიდერია. ლიგა თუ მოგვიტანა ნამდვილად ოქროს ტრანსფერი იქნება

    დემბელემ ერთ გრანდთან იფრინოს ასე და მერე მართლა დაადუმებს ბევრ კრიტიკოსს. კლასიკო, ბაიერნი. იქ ითამაშოს ასე შედეგიანად და არ გაქრეს

    0-4 ის დროს კლასიკოში მშვენივრად ითამასა დემბელემ. 2ასისტი დადო გოლის გატანაც შეეძლო და კარგი გარღვევებიც ჰქონდა
    --------------------
    კულე სამუდამოდ
    [?]
    #10 8 სექტემბერი 2022 13:35
    1
    ციტატა: ChuxrELia
    კუნდეს სიმაღლეზე რო ღადაობდა კამანდა, ტიპმა ორი ასისტი თავით გააკეთა და მეტი რა ქნას smiley smiley ისეთი აღნაგობა და ტანი აქვს, თუ დააკვირდებით, იდეალურად მოძრაობს და ხტება სიმაღლეზე, ეგ და როინა მაგარ ცენტრს დადებენ. ლევანაზე არც ვიცი რა დავწერო, ზე ფორვარდია, ჯერ ალბათ ადრეა, მაგრამ სავარაუდოდ ჯეკაზე დიდ სახელს დატოვებს როგორც ბარსას 9 ნომერი sunglasses

    სუარესზე დიდი სახელის დასატოვებლად დრო აქვს ცოტა, ასაკის გამო. მაგრამ სამაგირროდ ლიდერია, სუარესიც იყო მარა მაინც ლეოს ჩრდილში. ეს ერთპიროვნული ლიდერია. ლიგა თუ მოგვიტანა ნამდვილად ოქროს ტრანსფერი იქნება

    დემბელემ ერთ გრანდთან იფრინოს ასე და მერე მართლა დაადუმებს ბევრ კრიტიკოსს. კლასიკო, ბაიერნი. იქ ითამაშოს ასე შედეგიანად და არ გაქრეს
    გულშემატკივარი [?]
    #9 8 სექტემბერი 2022 13:33
    0
    ცოტას გადაუხვევ... არის ერთი რუსული ფილმი -ლეგენდა17, ლეგენდარულ ჰოკეისტ ვალერი ხარლამოვზე და სსსრკ-კანადის პირველ შეხვედრაზეა აგებული. იქ არის ასეთი მომენტი, ტარასოვი მოხსნეს ნაკრების მწვრთნელობიდან და გუნდი გაემგზავრა კანადაში მის გარეშე, სადაც პირველ მატჩში გაანადგურეს კანადის ნაკრები, ანგარიშით 7:3. ეს იმ დროისათვის არ ნახული სენსაცია იყო. მატჩის შემდეგ, გახარებულმა მოთამაშეებმა დაურეკეს თავიანთ საყვარელ მწვრნელს, ტარასოვს და აღფრთოვანებით მიმართეს, რომ რა კარგად ითამაშეს. ტარასოვმა, იმის მაგივრად, რომ სიხარულით მიელოცა, ასეთი ფრაზა გამოთქვა - მე უფრო მაინტერესებს, რატომ გაგვიტანეს ეს სამი გოლიო...... ხოდა მეც ვისარგებლებ ამ ფრაზით და ვიკითხავ - რატომ გავიტანეს გოლი გუშინდელ მატჩში? რა თქმა უნდა ეს ხუმრობაა, რომელშიც კარგი აზრიც არის ჩადებული. გუშინ გუნდმა კარგად ითამაშა და გაგვახარა, მაგრამ არ დაგვავიწყდეს მეტოქის სისუსტე და იმ შეცდომებს, რომლებიც გუშინ იქნა დაშვებული, ძლიერი მეტოქეები, არ გვაპატიებენ. რაც ყველაზე ძალიან აუცილებელია, ბაიერნთან უნდა ჩაიდოს მთელი ძალა და ღონე, რომ ძველი სამარცხვინო ლაქა მოვიშოროთ. ძალიან მეცოდება ლევანდოვსკი, რომელიც ვალდებულია ბარსას იმედი გაამართლოს და ამავე დროს იმ გუნდისა და გულშემატკივრების წინაშე, იმ სტადიონზე სადაც ბევრი წლების განმავლობაში ქუხდა მისი სახელი. მაგრამ ლევა პროფესიონია, დარწმუნებული ვარ ამისათვის ემზადება და ვფიქრობ სტადიონიც გულითადად მიიღებს. მაგრამ ფსიქოლოგიურად ადვილი გადსატანი არ იქნება. ბაიერნი კვლავ კარგ ფორმაშია, მაგრამ უნდა შევჭამოთ. ფრე იქ და გამარჯვება კამპ ნოუზე, მგონია კარგი შედეგი იქნება. ღმერთმა არ გვანახოს ლე მესსი კამპ ნოუზე, პსჟ-ს შენადგენლობაში
    საიტის ლეგენდა  [?]
    #8 8 სექტემბერი 2022 12:50
    0
    ლევანდოვსკი ნამდვილი პროფესიონალია, ეტყობა გერმანული აკადემიურობა. მოკლედ მართლა მანქანასავით მუშაობს. ტვინით კი არა სხეულით გრძნობს უნდა დაარტყას თუ პასი გააკეთოს. იდეალური ზამენა მოვიდა სუარესის ადგილზე.
    წევრი [?]
    #7 8 სექტემბერი 2022 11:38
    3
    კუნდეს სიმაღლეზე რო ღადაობდა კამანდა, ტიპმა ორი ასისტი თავით გააკეთა და მეტი რა ქნას smiley smiley ისეთი აღნაგობა და ტანი აქვს, თუ დააკვირდებით, იდეალურად მოძრაობს და ხტება სიმაღლეზე, ეგ და როინა მაგარ ცენტრს დადებენ. ლევანაზე არც ვიცი რა დავწერო, ზე ფორვარდია, ჯერ ალბათ ადრეა, მაგრამ სავარაუდოდ ჯეკაზე დიდ სახელს დატოვებს როგორც ბარსას 9 ნომერი sunglasses
    ახალბედა [?]
    #6 8 სექტემბერი 2022 10:10
    0
    Baierntan gamochndeba ra sheudzlia.jer barsas dzlieri metoqe ar yolia
    ფანი [?]
    #5 8 სექტემბერი 2022 09:39
    9
    კრისტენსენს გარსიაც ჯობს და პიკეც
    Culé [?]
    #4 8 სექტემბერი 2022 09:27
    3
    გარსია რო კრისტენსენს ჯობია ეგ ხუმრობა ხშირად გაიმეორეთ ხოლმე
    --------------------
    https://www.youtube.com/watch?v=yMkJht0GxOs
    ფანი [?]
    #3 8 სექტემბერი 2022 09:03
    8
    თითქმის გამოვიცანი ანგარიში, ნუ მე 5:0 მეწერა,გილოცავთ ყველას,შესანიშნავი გამარჯვება იყო,ეს ერთი და სხვა მრავალი💫🥰💙❤.პ.ს. ბაიერნთანაც უნდა ვეცადოთ როო ასეთივე ანგარიშით თუ ვერა ცოტა ნაკლებით მაინც გავიმარჯვოთ, აუცილებელია მათთან კარგი თამაში, თორე უკვე ღირსების საკითხიცაა,უნდა მოვაკეტინოთ მიულერს,ნოიერს და მსგავსებს
    --------------------
    "ბარსელონა" ეს ხომ ფეხბურთის ზეიმია💙❤
    წევრი [?]
    #2 8 სექტემბერი 2022 08:56
    2
    მინიმჯმ ნახევარფიინალი უნდა ვითამაშოთ.
    ფანი [?]
    #1 8 სექტემბერი 2022 06:54
    6
    დაწყებამდე დავწერე ლევანა მინიმუმ 10000% ჰეთრიკს შეასრულებს თქო. წინ ბარსა. დემბო ძაან ხოდზეა. ამ სასტავით და მაესტრო ჩავით ბევრს მივაღწევთ.