მატჩისშემდგომი მიმოხილვა: აქედან ვერ ამოშლი!

მატჩისშემდგომი მიმოხილვა: აქედან ვერ ამოშლი!

თავიდანვე ნათელი იყო, რომ კარგი თამაში გველოდა. მოწინააღმდეგეთა ბანაკში ბევრი ნაცნობი სახე ვნახეთ, ზოგი მუდმივად მეტოქის რანგში გვხვდებოდა, ზოგი ჩვენი გუნდის წევრიც ყოფილა.

თამაშის წინ ხოაკინმა კუმანზე მწარედ ისაუბრა, მის სამწვრთნელო შესაძლებლობებში ეჭვი შეიტანა და დააყოლა, ხელსაც არ ჩამოვართმევო. ხოაკინი ლოკალური ლეგენდაა. რაც ფეხბურთს ვუყურებ, სულ მოედანზეა. ბევრს ვეღარაფერს ცვლის, მაგრამ ასეთი პროფესიონალის ხილვა მაინც სასიამოვნოა.

ფრანგები

მესის გარეშე დავიწყეთ. მთავარი ინტრიგაც დაითესა - შეძლებდა თუ ვერა გრიზმანი გაბრწყინებას, მესის არყოფნაში. ვერ შეძლო. მომენტები მრავლად შექმნა, იმდენი შექმნა, რამდენიც მთელი განვლილი ტურების განმავლობაში არ შეუქმნია, თანაც გოლამდე სულ იმდენი აკლდებოდა, ერთი თითის გაწვდენაც რომ ეყოფოდა. სანამ მესი არ გამოვიდა, ვერ გაიტანა. პენალტიც ვერ გაიტანა და ზუსტად ვიცი, ბევრი თქვენთაგანი თავშიც გაივლებდა - ვერ გაიტანსო. ჩვენ კი არა, თავადაც აუცილებლად გაუელვებდა, იმიტომ, რომ მენტალურად სუსტია და საკუთარ თავს არ ენდობა.

აბსოლუტურად საპირისპირო სურათი გვქონდა დემბელეს შემთხვევაში, ცუდად ითამაშა, მაგრამ ძალიან მაგარი გოლი შეაგდო. "იუვენტუსთან" თამაშის მერე გავაკრიტიკეთ, რომ მსგავსი მოძრაობების შემდეგ კარში არ ურტყამდა, არადა ორივე ფეხით მშვენივრად თამაშობს, ამჯერად ჩამოიცილა თუ არა მეტოქე გაუქანა მარცხენა და.. იფ, კარგი იყო.

აი მის ჩაწოდებებზე რა ვთქვათ?! ან რატომ აწვდიდა, ვის უწვდიდა, ან როგორ აკეთებდა ამას?! დემბელე უდიდესი დიაპაზონის მქონე ფეხბურთელია, ერთდროულად შეუძლია იყოს ძალიან მაგარი და ძალიან ცუდი. სხვა ასეთი არ მახსენდება.

ფატი

პირველი ტაიმის საუკეთესო შემტევი ალბათ მაინც ანსუ ფატი იყო, ყველაზე გააზრებულად ითამაშა, მომენტებიც შექმნა, თერთმეტმეტრიანი აიკიდა და მძიმე ტრავმა მიიღო. ჯერჯერობით არ ვიცით, ზუსტად რამდენს გამოტოვებს, მაგრამ მენისკის გაწყვეტა მარტივი საქმე არ არის. რთულია იმის ვარაუდი თუ რა მდგომარეობაში დაგვიბრუნდება. ამ ასაკში, ასეთ კარგ ფორმაში, ასეთი პროგრესის გზაზე რომ მძიმე ტრავმას მიიღებ, ტრაგედიაა.

ფატის ტრავმა, თითქოს ზრდის დეპაის ტრანსფერის შესაძლებლობას, თუმცა, დეპაის ტრანსფერი ვინმეს ტრავმაზე არასდროს ყოფილა დამოკიდებული, ტრანსფერის ერთადერთი შემაფერხებელი გარემოება ყოველთვის ფინანსები იყო, თორემ კუმანს დიდი ხანია გადაწყვეტილი აქვს, რომ ჰოლანდიელი შემტევი სჭირდება.

მოიძებნება თუ არა ზამთრისთვის საჭირო თანხები, ამას მალე ვნახავთ. დღევანდელი მდგომარეობით ეს გამორიცხულია. კლუბი გაკოტრების ზღვარზეა და ფეხბურთელებს კვლავ ხელფასების შემცირებას თხოვს, რომელ ტრანსფერზეა ლაპარაკი?!

მესი

აქედან ვერ ამოშლი! - როგორც ქრისტეფორე მგალობლიშვილი იტყოდა და ერთაოზ ბრეგვაძეც დაემოწმებოდა, ძუკნურიდან.

მესის გატარება მხოლოდ ჩვენს მეხსიერებაში დაიდებს ბინას. ციფრულ მეხსიერებაშიც დამკვიდრდება და სტატისტიკაში გაუჩინარდება. არც პასი ჩაეწერება, არც გოლი, არადა ისე გაატარა, ბევრ გოლს და პასს გადასწონის. უცნაური ამბავია, ბურთს არ შეხებია და დაუვიწყარი მომენტი შექმნა.

რამდენიმე გატარება გამახსენა კიდეც. ჩვენი ბანაკისა ვთქვათ. რონალდინიოს გატარება "მილანთან", ჯგუფურ ეტაპზე, მატჩი "სან სიროზე" შედგა, ამ ჯადოს წყალობით ლარსონი ერთი-ერთზე დატოვა, მაგრამ შვედმა ვერ გაიტანა. რომ გაეტანა, უფრო ხშირად გაიხსენებდნენ, ახლა კი მხოლოდ ჰიპერმნეზიით შეპყრობილებს გვახსოვს.

რივალდოს გატარება მუნდიალის ფინალში. აი ეს კი ბევრს ახსოვს, რადგან გადამწყვეტი გოლი მოჰყვა. ორივე კარგი იყო, ორივე ჩამებეჭდა გონებაში, მაგრამ მესის გატარება ერთი თავით მაღლა დგას ბრაზილიელების მოძრაობებზე.

ფაქტობრივად, გოლის გატანა აიძულა იმ ფეხბურთელს, რომელმაც ვერაფერი ვერ გაიტანა და "გრიზმანია", რომ ყოფილიყო გვარად, ალბათ მოძმე მეგრელსაც ვერ გაიტანდა.

მეფე დაბრუნდა!

მორიგი თერთმეტმეტრიანი შეაგდო და მშვენიერი გოლიც მიაყოლა, რომლითაც  მშრალი სერია შეწყვიტა. არგენტინაში კარგ ხასიათზე დააწვება.

სერჟი რობერტო

როგორც უკვე ნახეთ, ოთხიანი დაუწერეს. პიკესთან და ლანგლესთან ერთად ყველაზე დაბალი შეფასებაა. ამას პროტესტი მოჰყვა ჩვენს საიტზეც და იმ საიტებზეც, სადაც ასე ცუდად შეაფასეს, მაგრამ არ არის ეს შეფასება რეალობას მოკლებული და სწორედ ამიტომ, მომდევნო ვიდეო განხილვას, სერჟი რობერტოს მივუძღვნი.

ოთხ ქულას თავი საგოლე გადაცემების შედეგად მოუყარა. ერთმანეთზე უკეთესი პასები ჩამოარიგა და მცველისთვის ორი საგოლე პასი გადასარევი ამბავია.

თუმცა, "ბეტისმა" ყველა სახიფათო შეტევა მისი ფლანგიდან წამოიწყო და ყველა შემთხვევაში გახიეს. აქ პიკეს მძიმე შეცდომებიც ჩანდა, რომელსაც ასევე განვიხილავთ.

მეორე ტაიმშიც იმდენჯერ გადაურბინეს, რამდენჯერაც მოუნდათ, გოლებიც მისი ფლანგიდან წამოწყებულ შეტევებს მოჰყვა.

დაცვაში საშინლად ითამაშა და ისტორიაში ყველაზე დაბალი შეფასებისგან, საგოლე გადაცემებმა იხსნა. მცველი კი პირველ რიგში დაცვაში თამაშით ფასდება. ამიტომ, მომიწევს დავეთანხმო მისთვის გამეტებულ ოთხიანს.

სანაკრებო შესვენებაც მოგვიახლოვდა, ასე რომ ამ პრობლემების გამოსაკვეთად და განსახილველად, დიდი დრო გვექნება.

"ატლეტიკო"

სანაკრებო პაუზის შემდეგ "ატლეტიკოსთან" თამაში გველის. იმ "ატლეტიკოსთან", რომლის შემტევი დუეტი, სუარესის და ფელიშის სახით, ქვას ქვაზე არ ტოვებს. ლა ლიგაში ჯერჯერობით საუკეთესო შეტევა ჰყავთ, ჩვენ კი ისეთი დაცვით უნდა ვეთამაშოთ, ოთხიდან სამმა რომ ყველაზე დაბალი შეფასება მიიღო.

რისი იმედი უნდა გვქონდეს? ტერ შტეგენის გმირობების?

როცა კიევის "დინამო" და "ბეტისი" ამდენ მომენტს შეგიქმნის, წარმოდგენაც არ მინდა, "ატლეტიკოსთან" რა გველოდება.

კარგია, რომ პაუზაა. მოსამზადებლად მეტი დრო იქნება.


ბლოგში გამოთქმული მოსაზრებები Barcamania.ge-ს ადმინისტრაციისას ყოველთვის არ ემთხვევა და ზოგ შემთხვევაში, ის საკითხისადმი ავტორის სუბიექტურ დამოკიდებულებას გამოხატავს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 16 ]

    ინფორმაცია
    ამ სიახლეზე კომენტარები გათიშულია.
    წევრი [?]
    #16 9 ნოემბერი 2020 15:44
    0
    პავლოვიჩი56,
    ციტატა: პავლოვიჩი56
    დაცვა დირკა-მწვრთნელი ლენჩი. დესტი-დუსტი, რეიზა მოათრია კუილა-(კუმანმა) იცის ვინმემ?


    კი ვიცით, ვისაც ფეხბურთი ესმის და ყოველ კუმანთან დაკავშირებულ პოსტზე ფუჭად არ ილანძღება, ხედავს კუმანის ტაქტიკასაც და დესტის მოყვანის მიზეზსაც.

    Უყურებთ ხოლმე თამაშებს თუ უბრალოდ შეეჩვიეთ კუმანის ლანძღვას?
    წევრი [?]
    #15 9 ნოემბერი 2020 00:37
    0
    ამ საიტის მომხმარებელი ვარ არ მახსოვს უკვე რამდენი წელია და ბავშობის მერე არ დამიწერა კომენტარი, შენი სტატიების კითხვა მაგრა მსიამოვნებს და ესე გააგრძელე!!
    წევრი [?]
    #14 8 ნოემბერი 2020 20:59
    1
    მესის ჭირდება წინ ისეთი შემტევები როგორც ეტოო,ვილა,სუარესი, და ახლა გრიზმანი ყავს რომელიც მოედანზე თითქოს არ არის.ამიტო გამოიყურება მესი ასე მთავარსარდალს ძლიერი მებრძოლები ჭირდება რომ ომი მოიგოს ასეა ფეხბურთშიც გვერდში ძლიერები უნდა გყავდეს ერთი კაცი თამაშს ვერ იგებს ადრე იგებდა მაგრამ ახლა ასაკშია და ერთი კარგი თავდამსხმელი იყიდეთ.თქვე ოჯახაშენებულებო.
    Culé [?]
    #13 8 ნოემბერი 2020 16:28
    6
    ხანდახან მგონია რო მე ვწერ ამ ანალიზებს 😂

    სულ გეთანხმები რასაც ამბობ ხოლმე

    ოღონდ ერთი უნდა ვთქვა, პირველ ტაიმში უფრო გახსნილად თამაშობდა ყველა შემტევი, მეორე ტაიმში რაც მესი შემოვიდა თითქოს ისევ ყველამ მაგას დაუწყო ყურება, არადა თითქოს ყველა თავისას აკეთებდა პირველში, ნელ-ნელა უნდა მიეჩვიეონ მესის გარეშე თამაშს ჯობია, მარტო მაგიტო გამიხარდება თუ ამ სეზონში რამდენიმე თამაშში მესის სკამზე დავინახავ ისევ, ისეთებში სადაც ბევრი არაფერი წყდება და ერთი შეხედვით მარტივად შეგვიძლია მოგება რა თქმა უნდა
    მწერალი [?]
    #12 8 ნოემბერი 2020 15:54
    1
    ციტატა: me da barca
    ციტატა: JasoN
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.

    მეგრელი ხარ გეტყობა არ გესიამოვნა ეს შედარება

    1. ვერ გამოიცანი.
    2. იმერელი, კახელი, რაჭველი ან ქართლელი, რომ დაეწერა იგევე რეაქცია მექნებოდა. უაზრო შედარებაა. სად ბურთის გატანა და სად ერთმანეთის გატანა.
    3. შენ არ გეხება და შეგიძლია გაატარო.
    4. ერთმანეთის გატანას რაც შეეხება, ეს შენი პასუხიდან კარგად ჩანს და მაგიტომ ვართ კარგ დღეში.
    5. მეტჯერ არ დამიციტირო. (ვისაც ეხებოდა იმას არ დაუციტირებია და შენ რატო შეწუხდი?)

    ციტატა: ფეოლა
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.


    სად გაგიგია "შვილებს", "ძეებს" ან "იანებს" ერთმანეთი გაჰქონდეთ? : )))
    შედარება არ არის, ხუმრობაა, რომელიც ჩვენს კულტურაში და რეალობაში დიდი ხანია დამკვიდრებულია, რომ - "მეგრელი მეგრელს გაიტანს".

    ცუდი თავისთავად არ არის ამაში არაფერი. პირიქით, მხარდაჭერის, ძმობის და ბევრი კარგი რამის გამომხატველია.

    ხუმრობა იყო თუ რაც იყო შედარება ჩავთვალე უადგილო იყო. სად გრიზმანი და სად ქართველების შედარება. არ გვინდა ეს მეგრელი, გურული, რაჭველი თუ სვანი. ცნობისათვის ჩემი გვარი ი-ზე მთავრდება და ის რომ მეგრელებმა ერთმანეთის გატანა იციანო, ეს ყურით მოთრეულია და თუ გატანა არ ვიცით ესაა ქართველების უბედურება. საზღვარგარეთ თუ რამე ცუდს გაგიკეთებენ ეს უეჭველი ქართველი გაგიკეთებს. ცუდი და კარგი ყველგანაა.
    წარმატებები ფეოლა.


    კაი ბატონო.
    შენ ვერ გაიგე, სხვამ გაიგო.
    არ არის პრობლემა : )
    Culé [?]
    #11 8 ნოემბერი 2020 15:37
    0
    ციტატა: JasoN
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.

    მეგრელი ხარ გეტყობა არ გესიამოვნა ეს შედარება

    1. ვერ გამოიცანი.
    2. იმერელი, კახელი, რაჭველი ან ქართლელი, რომ დაეწერა იგევე რეაქცია მექნებოდა. უაზრო შედარებაა. სად ბურთის გატანა და სად ერთმანეთის გატანა.
    3. შენ არ გეხება და შეგიძლია გაატარო.
    4. ერთმანეთის გატანას რაც შეეხება, ეს შენი პასუხიდან კარგად ჩანს და მაგიტომ ვართ კარგ დღეში.
    5. მეტჯერ არ დამიციტირო. (ვისაც ეხებოდა იმას არ დაუციტირებია და შენ რატო შეწუხდი?)

    ციტატა: ფეოლა
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.


    სად გაგიგია "შვილებს", "ძეებს" ან "იანებს" ერთმანეთი გაჰქონდეთ? : )))
    შედარება არ არის, ხუმრობაა, რომელიც ჩვენს კულტურაში და რეალობაში დიდი ხანია დამკვიდრებულია, რომ - "მეგრელი მეგრელს გაიტანს".

    ცუდი თავისთავად არ არის ამაში არაფერი. პირიქით, მხარდაჭერის, ძმობის და ბევრი კარგი რამის გამომხატველია.

    ხუმრობა იყო თუ რაც იყო შედარება ჩავთვალე უადგილო იყო. სად გრიზმანი და სად ქართველების შედარება. არ გვინდა ეს მეგრელი, გურული, რაჭველი თუ სვანი. ცნობისათვის ჩემი გვარი ი-ზე მთავრდება და ის რომ მეგრელებმა ერთმანეთის გატანა იციანო, ეს ყურით მოთრეულია და თუ გატანა არ ვიცით ესაა ქართველების უბედურება. საზღვარგარეთ თუ რამე ცუდს გაგიკეთებენ ეს უეჭველი ქართველი გაგიკეთებს. ცუდი და კარგი ყველგანაა.
    წარმატებები ფეოლა.
    Culé [?]
    #10 8 ნოემბერი 2020 14:31
    3
    დემბელე უდიდესი დიაპაზონის მქონე ფეხბურთელია, ერთდროულად შეუძლია იყოს ძალიან მაგარი და ძალიან ცუდი. სხვა ასეთი არ მახსენდება.----------დემბელეს ასეთი გენიალური შეფასება ჯერ არ გამიგია:)))))))))))))
    მწერალი [?]
    #9 8 ნოემბერი 2020 13:59
    0
    El pistolero 9,

    კაი კაცი ხარ.
    გამახსენდა.

    ციტატა: ხავი ლეგენდა
    რანაირად უნდა მოემზადონ როცა ნაკრებში მიდის ძირითადი ბირთვი


    სამწვრთნელო შტაბზეა საუბარი.
    პიკე და სერჟი რობერტო, რომ ამ პერიოდში თამაშს ვერ გააუმჯობესებენ ეგ ცხადი ამბავია. ამიტომ დაცვას ტაქტიკურად თუ გავქაჩავთ.
    წევრი [?]
    #8 8 ნოემბერი 2020 13:41
    1
    მომწონს შეფასებები, ყოჩაღ! კარგია ,რომ სანაკრებო პაუზაა, დაალაგებს უფრო კარგად დაცვას კუმანიტო და ეგრე ვითამაშებთ, სერხი რობერტო მაინც ლოხია, ბრაიტვაიტისთვის აკეთებდა პასს და პედრის მიუვიდა, მერე ბრაიტვაიტსაც ანიშნა ეგ , ასე რომ, დესტია დასაყენებელი და ლენგლე უნდა წავიდეს ბარსადან, გაიყიდოს რაც შეიძლება მალე და კინგონგი უნდა წამოდგეს, ძალიან გვჭირდება, ალბას შემცვლელიც უნდა ვიპოვოთ :) წარმატებები !
    ფანი [?]
    #7 8 ნოემბერი 2020 13:16
    7
    გატარებები რო გავიხსენოთ სუარესმა გაატარა ორჯერ!!!ტოტენჰემთან გასვლაზე და ორივე ამ გატარებას მესის გოლი მოყვა.
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    ფანი [?]
    #6 8 ნოემბერი 2020 13:06
    2
    სუარესმა თუ გაგვიტანა იმედია არ აღნიშნავს
    მწერალი [?]
    #5 8 ნოემბერი 2020 12:45
    8
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.


    სად გაგიგია "შვილებს", "ძეებს" ან "იანებს" ერთმანეთი გაჰქონდეთ? : )))
    შედარება არ არის, ხუმრობაა, რომელიც ჩვენს კულტურაში და რეალობაში დიდი ხანია დამკვიდრებულია, რომ - "მეგრელი მეგრელს გაიტანს".

    ცუდი თავისთავად არ არის ამაში არაფერი. პირიქით, მხარდაჭერის, ძმობის და ბევრი კარგი რამის გამომხატველია.
    გულშემატკივარი [?]
    #4 8 ნოემბერი 2020 12:24
    1
    ციტატა: me da barca
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.

    მეგრელი ხარ გეტყობა არ გესიამოვნა ეს შედარება
    Culé [?]
    #3 8 ნოემბერი 2020 12:07
    0
    გრიზმანია“, რომ ყოფილიყო გვარად, ალბათ მოძმე მეგრელსაც ვერ გაიტანდა.
    -------------- --------------
    ყველაფერი გავიგე ამ შედარების გარდა. გრიზმანაძე, გრიზმანიშვილი, გრიზმანაულის შემთხვევაში ვის შეადარებდი? არსად არ ჯდება და სად ერეკლე და სად .... მახსენებს.
    საიტის ლეგენდა  [?]
    #2 8 ნოემბერი 2020 11:55
    5
    რობერტოზე 100%-იანი ილაპარაკე სრული ანომალიაა დაცვაში
    --------------------
    91/92 05/06 08/09 10/11 14/15 to be continued
    გულშემატკივარი [?]
    #1 8 ნოემბერი 2020 11:54
    1
    დაცვა დირკა-მწვრთნელი ლენჩი. დესტი-დუსტი, რეიზა მოათრია კუილა-(კუმანმა) იცის ვინმემ?