დეშამი: ”ბარსელონას” ფეხბურთი რაღაც ზღაპრულია”

”მარსელის” მთავარმა მწვრთნელმა, დიდიე დეშამმა ისაუბრა ჩემპიონთა ლიგის მოგების მნიშვნელობაზე და გაანალიზა ფინალის მონაწილე გუნდების თამაში.

”ძალიან მიყვარს კონკურენცია. ძალიან დიდი სიხარული იყო, როცა ”მარსელთან” და ”იუვენტუსთან” ერთად ფეხბურთელის რანგში მოვიგე ჩემპიონთა ლიგა. ამ ტურნირში გაქვს შანსი მიიღო მონაწილეობა საუკეთესო გუნდების წინააღმდეგ მატჩებში. ”ბარსელონა” და ”მანჩესტერ იუნაიტედი” დიდებული გუნდებია. საუკეთესო მსოფლიოში! მათ განსხვავებული სტილი აქვთ. ”ბარსელონა” რაღაც ზღაპრულია. ”იუნაიტედს” ინგლისური სტილი აქვს. ისინი ზეწოლით თამაშობენ. მათ შეუძლიათ დაცვაში ითამაშონ, ხოლო შემდეგ სწრაფი კონტრშეტევა განახორციელონ ზუსტი, 30 მეტრიანი გადაცემით. პირადად მე ”ბარსას” შეტევითი სტილი მომწონს. მათი მიზანი სასურველი შედეგის მიღწევაა, თანაც ბურთი მეტოქეზე მეტად უნდა ეკავოთ. კატალონიელებს შესანიშნავი შეთამაშება აქვთ. ფეხბურთელები დიდი ხანია ერთად თამაშობენ. ”ბარსას” ძლიერი ნახევარდაცმა ყავს. ბუსკეტსი, ჩავი, ინიესა... და მათ წინ მესი. ”იუნაიტედი” თავს კარგად იცავს. ამასთან ერთად სწრაფად უტევს. მათი პლიუსი უეინ რუნია, რომელიც სხვებთან შედარებით ნაკლებად იღლება. მას მატჩის ბედის გადაწყვეტა შეუძლია. ასევე მომწონს რუნისა და ჩიჩარიტოს შეთამაშება. მათ ყოველთვის იციან სად არის პარტნიორი” - დეშამის სიტყვებს უეფას ოფიციალური საიტი ციტირებს.