ფინალი – იცით თუ არა, რომ...

  • 26-05-2011, 21:11
  • ფინალი – იცით თუ არა, რომ...

     

    "ბარსელონა" vs "მანჩესტერი" – იცით თუ არა, რომ...

     

    კატალონიელებმაც და მანჩესტერელებმაც პირველი ევროპული ტიტული "უემბლიზე" მოიპევს. ბრიტანელებმა ეს 1968 წელს მოახერხეს, როდესაც მათ "ბენფიკას" ფეხბურთელები ანგარიშით, 4–1 დაამარცხეს, ხოლო კატალონიელებმა 1992 წელს, ამ სტადიონზე "სამპდორიას", ანგარიშით 1–0, დამარცხება შეძლეს.

     

    ამ ჩემპიონატის ხელახლა მოგებისათვის ორივე გუნდს დიდ ხანს ლოდინი მოუწია. "წითელმა ეშმაკებმა" 31 წელი იცადეს (1968/99), ხოლო "ბლაუგრანელებმა" – 14 (1992–2006).

     

    ორივე გუნდმა, მეორე "ჩემპიონთა ლიგის" ტიტულის მოგებისას, ფინალში მეტოქის დამარცხება ბოლო წუთებზე შეძლო. მათ თამაშის შემობრუნება შეძლეს. "მანჩესტერმა" ასე მიუნხენის "ბაიერნის" დამარცხება მოახერხა, ხოლო "ბარსამ" – ლონდონის "არსენალის".

     

    "მანჩესტერმა" თავისი მესამე ტიტული 2008 წელს მოიპოვა. მათ ფინალურ ეტაპზე ასპარეზობის უფლება სწორედ "ბარსას" დამარცხების წყალობით მოახერხეს. 2009 წელს კი მესამე ტიტული ახლა უკვე "ბარსამ" მოიპოვა. მართალია ნახევარ–ფინალში მათ "მანჩესტერი" არ შეხვედრიათ, თუმცა ფინალურ ეტაპზე "წითლები" მათ მანც ვერ აცდნენ...

     

    ბოლო 6 წლის მანძილზე, ამ ორი გუნდისთვის ეს მესამე ფინალი იქნება.

     

    "იუნაიტედს" 4 ფინალიდან სამჯერ გამარჯვება დარჩა, ხოლო "ბარსას" ფინალისთვის გემო ექვსჯერ აქვს გასინჯული და აქედან გემრიელი მხოლოდ 3 აღმოჩნდა.

     

    ფინალში გამარჯებული გუნდი თასების რაოდენობით "ბაიერნსა" და "აიაქსს" დაეწევა, თუმცა მათ წინ  5 თასით "ლივერპული" იმყოფება. ინგლისური კლუბის წინ 7 თასით იტალიური "მილანია", ხოლო სათავეში მადრიდული "რეალია" მოქცეული, რომელსაც ტურნირი 9–ჯერ აქვს მოგებული.

     

    "უემბლისთვის" ეს მეექვსე ფინალი იქნება. აქამდე ამ სტადიონზე ზეიმი "მილანმა" (1963), "მანჩესტერ იუნაიტედმა" (1968), "აიაქსმა" (1971), "ლივერპულმა" (1978) და "ბარსელონამ" (1992) შეძლეს.

     

    რომის ფინალში გამარჯვებით, გვარდიოლა იმ ადამიანთა შორის ჩაეწერა, რომელთაც "ჩემპიონთა ლიგის" თასი ფეხბურთელისა და ასევე მწვრთნელის რანგში აქვთ აღებული. ასეთი ადამიანებს შორის არიან მიგელ მუნიოზი, ჯოვანი ტრაპატონი, იოჰან კრუიფი, კარლო ანჩელოტი და ფრანკ რაიკაარდი.

     

    სერ ალექს ფერგიუსონი ამჟამად 69 წლისაა. ყველაზე დიდი ასაკით, ვინც ამ ჩემპიონატის დალაშქვრა მწვრთნელის რანგში შეძლო, რეიმონდ გოეთალსია. მან მარსელის "ოლიმპიკთან" ერთად ტურნირი 1993 წელს, 71 წლის ასაკში მოიგო.

    კომენტარები [ 0 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.

    პარტნიორები

    Flashscore.ge
    მოიწონე ჩვენი ახალი Facebook გვერდი