"ჩელსიმ" ფილიპე კოუტინიოზე უარი თქვა
ESPN-ის მიერ გავრცელებული ინფორმაციის თანახმად, "ჩელსი" "ბარსელონას" ნახევარმცველისთვის, ფილიპე კოუტინიოსთვის ბრძოლას გამოეთიშა.
კოუტინიო, ამჟამად, მიუნხენის "ბაიერნში" იჯარით იმყოფება. მომავალი 27 წლის ფეხბურთელისა, რომლის გამოსყიდვაზეც "რეკორდმაისტერმა" უარი თქვა, კვლავ ბურუსითაა მოცული.
გავრცელებული ცნობებით, ფილიპეს ინგლისურ პრემიერ ლიგაში დაბრუნება სურს. აქამდე მას "ჩელსის" აქტიურად უკავშირებდნენ, თუმცა, როგორც ინფორმაცია ვრცელდება, "ლურჯებს" კოუტინიო აღარ აინტერესებთ.
ESPN იტყობინება, რომ "ჩელსის" უარის მიზეზი ბრაზილიელი ვარსკვლავის ძალიან დიდი ხელფასია. ფილიპე წელიწადში დაახლოებით 11 მილიონ ევროს გამოიმუშავებს.
იმავე წყაროს ინფორმაციით, ლონდონელებისთვის პრობლემა, ანაზღაურების გარდა, შესაძლოა, სატრანსფერო ფასიც იყოს. კატალონიელები კოუტინიოს დაახლოებით 100 მილიონ ევროდ აფასებენ. ივარაუდება, რომ "ჩელსის" ბრაზილიელის შესაძენად საკმარისი ფული არ აქვს.
ფილიპე კოუტინიომ მიმდინარე სეზონში 32 მატჩი ჩაატარა, 8 გოლი გაიტანა და 6 შედეგიანი გადაცემა გააკეთა.
ამ სიახლეზე კომენტარები გათიშულია.
კომენტარები [ 6 ]