4 ფეხბურთელი, რომლებიც "ბარსელონას" თვის ბოლომდე დატოვებენ
Mundo Deportivo-ს ინფორმაციით, "ბარსელონა" ივნისის ბოლოსთვის გაყიდვებიდან ბიუჯეტის დაახლოებით 70 მილიონი ევროთი შევსებას გეგმავს.
კატალონიური წყაროს ცნობით, "ბლაუგრანადან" წასვლის პირველი კანდიდატები კარლეს ალენია, ჟან-კლერ ტოდიბო, რაფინია ალკანტარა და მუსა ვაგე არიან.
კარლეს ალენია
ალენია, ამჟამად, "ბეტისშია" განათხოვრებული. 22 წლის ნახევარმცველმა, შესაძლოა, სევილიურ კლუბთან საიჯარო კონტრაქტი გაახანგრძლივოს. "ბარსელონა" ესპანელი მოთამაშის იჯარაში გარკვეულ თანხას მიიღებს. ამასთანავე, კატალონიელები ფეხბურთელის ხელფასის გადახდას თავიდან აიცილებენ.
ჟან-კლერ ტოდიბო
22 წლის ცენტრალური მცველი "შალკეში" იჯარით იმყოფება. ტოდიბოთი "ევერტონია" დაინტერესებული. ინგლისელები მზად არიან ფეხბურთელი 25 მილიონ ევროდ დაიმატონ იქამდე, სანამ პრემიერ ლიგა განახლდება.
რაფინია ალკანტარა
რაც შეეხება რაფინიას, ის "სელტაშია" განათხოვრებული. ვიგოური კლუბი მზადაა, ბრაზილიელი 16 მილიონ ევროდ გამოისყიდოს, თუმცა 27 წლის ნახევარმცველს იტალიაში ან ინგლისში გადაბარგება სურს.
მუსა ვაგე
ცნობილია, რომ ფრანგული "ნიცა" ვაგეს 10 მილიონ ევროდ არ გამოისყიდის. კატალონიელები მიიჩნევენ, რომ 21 წლის მარჯვენა მცველში აღნიშნულ თანხას სხვა კლუბი გადაიხდის.
"ლურჯ-ბროწეულისფერებმა" შესანიშნავად იციან, რომ ამ ფეხბურთელების გაყიდვით კარგად ვერ იხეირებენ. "ბარსელონა" იმედოვნებს, რომ დიდ ფულს ფილიპე კოუტინიოსა და ნელსონ სემედუს გაშვებით გამოიმუშავებს.
ამ სიახლეზე კომენტარები გათიშულია.
კომენტარები [ 7 ]