რატომ დაუთმო "ბარსელონამ" ლუკა იოვიჩი "რეალს"?
მადრიდის "რეალმა" გასულ ზაფხულში ფრანკფურტის "აინტრახტიდან" სერბი შემტევი ლუკა იოვიჩი დაიმატა. ივარაუდებოდა, რომ 22 წლის თავდამსხმელი "სამეფო გუნდში" ბრწყინვალე კარიერას მოიწყობდა, თუმცა ასე არ მოხდა.
იოვიჩი "რეალში" გადასვლამდე "აინტრატში" ბრწყინავდა და ბუნებრივია, ერთი წლის წინ ლუკა ძალიან მოთხოვნადი ფეხბურთელი იყო - მისი შეძენა არაერთ კლუბს სურდა. ამ მხრივ გამონაკილსი არც "ბარსელონა" იყო. "ბლაუგრანას" მიერ იოვიჩით დაინტერესებაზე ბევრი იწერებოდა, თუმცა, საბოლოოდ, ახალგაზრდა მოთამაშე მადრიდულ კლუბში აღმოჩნდა. თუმცა, ახლა უკვე "თეთრებს" იოვიჩთან განშორება სურთ.
Mundo Deportivo-ს ცნობით, "ბარსელონას", მიუხედავად ინტერესისა, იოვიჩის შეძენა არც კი უცდია. წყაროს ინფორმაციით, კატალონიურ გრანდში მიიჩნევდნენ, რომ ფეხბურთელის საოცარი გოლის ალღოს მიუხედავად, ის ლიონელ მესისა და გუნდის ცნობილ სტილს ვერ მოერგებოდა. ამასთანავე, სერბი თავდამსხმელი არც "ბლაუგრანას" სპორტულ დირექტორს, ერიკ აბიდალსა და არც კლუბის სკაუტებს ხიბლავდათ.
ლუკა იოვიჩმა ესპანეთის ჩემპიონატის მიმდინარე გათამაშებაში თავი მხოლოდ 2 გოლით გამოიჩინა. ის საშინელ სადებიუტო სეზონს ატარებს, რის გამოც "ბარსას" შეუძლია, მიღებული გადაწყვეტილებით თავი გამართლებულად მიიჩნიოს.
ამ სიახლეზე კომენტარები გათიშულია.
კომენტარები [ 10 ]