"ინტერი" ლაუტაროში 80-90 მილიონსა და ფირპოს ითხოვს
"ბარსელონა" და "ინტერი" ლაუტარო მარტინესის ტრანსფერის თაობაზე მოლაპარაკებებს აგრძელებენ.
გავრცელებული ინფორმაციით, ცოტა ხნის წინ კატალონიელებმა "ნერაძურის" 22 წლის თავდამსხმელის სანაცვლოდ 50 მილიონი ევრო და 2 ფეხბურთელი შესთავაზეს, თუმცა მილანელებმა ამაზე უარი თქვეს.
La Gazzetta dello Sport-ის ცნობით, "ინტერს" არგენტინელ ფეხბურთელში 80-90 მილიონი ევრო და დომენიკელი მარცხენა მცველი ჟუნიორ ფირპო სურს.
იტალიელი ჟურნალისტების ინფორმაციით, რადგან "ინტერი" უფრო მეტ ფულს ითხოვს, "ბლაუგრანა" ფილიპე კოუტინიოსთან განშორებას აპირებს. კატალონიელები მიიჩნევენ, რომ ბრაზილიელი ნახევარმცველის გაყიდვა ლაუტაროს ტრანსფერში გადამწყვეტ როლს ითამაშებს. ისინი იმედოვნებენ, რომ კოუტინიოს "ნიუკასლი" შეიძენს.
ლაუტარო მარტინესის ანგარიშზე მიმდინარე სეზონში 31 მატჩი, 16 გოლი და 4 შედეგიანი გადაცემაა.
ამ სიახლეზე კომენტარები გათიშულია.
კომენტარები [ 9 ]