რატომ იქნება ტოდიბოს გაყიდვა შეცდომა?
გასულ წელს ცენტრალური მცველის, ჟან-კლერ ტოდიბოს, "ტულუზიდან" 1 მილიონ ევროდ შეძენა "ბარსასთვის" მომგებიანი არა მხოლოდ პერსპექტიული ახალგაზრდა მოთამაშის დამატების მხრივ, არამედ ბიზნესის კუთხითაც იყო.
წელიწადნახევარში ტოდიბოს ფასი 25-ჯერ გაიზარდა. ფრანგის ტრანსფერით კი "იუვენტუსია" დაინტერესებული. ტურინელებს ჟან-კლერის გადაბირება "ტულუზიდანვე" უნდოდათ, თუმცა კატალონიელებთან სატრანსფერო დუელში დამარცხდნენ.
იმის დასადასტურებლად, რომ ტოდიბოს გაყიდვა კლუბის მხრიდან არასწორი ნაბიჯი იქნება, შეგვიძლია ორი არგუმენტი მოვიყვანოთ.
"ბარსელონა" არ არის "სევილია" ან "ბეტისი", რომლებიც ფეხბურთელებს იაფად ყიდულობენ და მის ძვირად გაყიდვას ცდილობენ.
"ბლაუგრანას" ფილოსოფია ახალგაზრდა ტალანტების შეძენა, მათი გაძლიერება და მსოფლიო დონის ვარსკვლავებად ჩამოყალიბებაა. ტოდიბოს კი სრული პოტენციალი აქვს იმისა, რომ განსაკუთრებული ცენტრალური მცველი გახდეს.
გასაგებია, რომ მისი 25 მილიონად გაყიდვით, კლუბი 24 მილიონიან სარგებელს ნახავს, თუმცა, პიკე უკვე 33 წლისაა და გუნდს სჭირდება მოთამაშე, რომელიც მას ეტაპობრივად შეცვლის და მომავალში სრულად ჩანაცვლებას მოახერხებს.
თუ "ბარსა" ტოდიბოს გაყიდის და მისი მსგავსი ტალანტის შეძენას შეეცდება, ეს მინიმიუმ 50 მილიონი ევრო დაუჯდება. იმდენივე, რამდენიც "რელმა" მილიტაოში გადაიხადა.
შესაბამისად, შორსმიმავალ პერსპექტივაში "ბარსელონამ" შეიძლება საკმაოდ დიდი შეცდომა დაუშვას.
ეთანხმებით, თუ არა აღნიშნულ მსჯელობას თქვენ და რამდენად ოპტიმალურად მიგაჩნიათ ამჟამად "შალკეს" შემადგენლობაში მყოფი ფეხბურთელის გაყიდვა?
ამ სიახლეზე კომენტარები გათიშულია.
კომენტარები [ 9 ]