Marca: "მანჩესტერ სიტის" კანსელუს სემედუში გაცვლა არ სურს
"მანჩესტერ სიტი" "ბარსელონას" მარჯვენა მცველით, ნელსონ სემედუთი დაინტერესებული არაა. ამ ინფორმაციას Marca ავრცელებს.
მადრიდელი ჟურნალისტების ცნობით, სემედუს აგენტმა, ჟორჟე მენდეშმა, პორტუგალიელი ფლანგის მცველი "სიტის" შესთავაზა. ივარაუდებოდა, რომ 26 წლის ფეხბურთელი "ქალაქელებს" შეუერთდებოდა, სანაცვლოდ კი "ბარსელონაში" მენდეშის კიდევ ერთი კლიენტი, ნელსონის თანამემამულე, ჟოაუ კანსელუ გადმოვიდოდა.
იმავე წყაროს ინფორმაციით, "სიტი" ფეხბურთელების გაცვლაზე თანახმა არაა. ინგლისელებმა კანსელუ გასულ ზაფხულში 65 მილიონ ევროდ დაიმატეს და მათ ჟოაუს გაცვლა 40-მილიონიან მოთამაშეში არ სურთ.
აქამდე გავრცელდა ინფორმაცია, რომ "მანჩესტერ სიტის" მთავარი მწვრთნელი პეპ გვარდიოლა ნელსონ სემედუთი პირადადაა დაინტერესებული. ამავდროულად, ესპანელი სპეციალისტი კანსელუს გასაშვებად მზადაა.
ამ სიახლეზე კომენტარები გათიშულია.
კომენტარები [ 7 ]