სამუელ უმტიტის ტრავმის გამო არაუხო საქმეში ჩაერთვება

კატალონიური გამოცემის, Mundo Deportvo-ს აზრით, რონალდ არაუხო, დიდი ალბათობით, "კამპ ნოუს" ახალი სახე გახდება.

იმის გათვალისწინებით, რომ სამუელ უმტიტიმ ტრავმა მიიღო, ხოლო ჟან-კლერ ტოდიბო "შალკეშია", არაუხო აღნიშნულ პოზიციაზე უკვე მესამე მცველად მოგვევლინება.

21 წლის მცველი ერთ-ერთი ფეხბურთელი იყო "ბარსა ბ-დან", რომელიც პირველი გუნდის ვარჯიშებში ხშირად მონაწილეობდა. მიუხედავად ამისა, მან მიმდინარე სეზონში მხოლოდ 14 წუთი გაატარა მინდორზე, თუმცა, ახლა ურუგვაელს თამაშის მეტი შანსი ექნება.

შეგახსენებთ, რომ ლა ლიგის სეზონის განახლება 12 დან 20 ივნისამდე იგეგმება. გუნდებს კი მატჩების გამართვა კვირაში ორჯერ მოუწევთ.

ასეთი დატვირთვისთვის ჟერარდ პიკე მზად ვერ იქნება, რადგან უკვე 33 წლისაა, შესამისად, არაუხო უფრო მეტ სათამაშო დროს აუცილებლად მიიღებს.

სადებიუტო შეხვედრაში, "კამპ ნოუზე" "სევილიას" წინააღმდეგ, რონალდმა ტოდიბო შეცვალა. მისდა სამწუხაროდ, ცენტრალურ მცველს შეხვედრის ნაადრევად დატოვება მოუხდა - იგი მოედნიდან ხავიერ ერნანდესზე ბოლო იმედის ჯარიმის გამო გააძევეს.

ურუგვაელმა ფეხბურთელმა, მიმდინარე სეზონში, "ბარსა ბ-ს" შემადგენლობაში ჩატარებულ 17 შეხვედრაში 3-3 გოლი და ასისტი მიითვალა. მისი ფიზიკური სიძლიერე, სიმაღლე და პასის კულტურა გამოსარჩევი მახასიათებლებია.