ლა ლიგის დაწყებისა და დასრულების დრო ცნობლია
"ლეგანესის" მთავარი მწვრთნელის, ხავიერ აგირეს თქმით, ლა ლიგის მიმდინარე სეზონის დარჩენილი ნაწილის განრიგი ოფიციალურად დადასტურებულია.
როგორც ირკვევა, ესპანეთის ჩემპიონატი 20 ივნისს განახლდება და 26 ივლისს დასრულდება. კვირაში 2 ტური ჩატარდება.
"ჩემპიონატის განახლების თარიღი უკვე ვიცით: 20 ივნისი. ხოლო 5 კვირაში, 26 ივლისს, ოფიციალურად დასრულდება. თამაშები შაბათ-კვირასა და ოთხშაბათ-ხუთშაბათს გაიმართება. ლა ლიგამ, ახლახანს, ეს ინფორმაცია ოფიციალურად გვაცნობა და ამით კმაყოფილი ვარ, რადგან შეგვიძლია ვარჯიშები დავგეგმოთ." - ციტირებს აგირეს სიტყვებს Marca.
თუ აგირეს სიტყვები გამართლდა, ეს ნიშნავს, რომ ევროტურნირები ესპანეთის ჩემპიონატის დასრულებამდე არ დაიწყება, რადგან თუ ლა ლიგაში ყოველ კვირაში 2 ტური ჩატარდა, ევროტურნირებისთვის ფანჯარა აღარ რჩება.
ამ სიახლეზე კომენტარები გათიშულია.
კომენტარები [ 7 ]