Marca: ბართომეუ ბრძოლას იწყებს
Marca-ს ინფორმაციით, ჟოზეპ მარია ბართომეუ, მმართველ გუნდს, ცვლილებებისთვის ამზადებს. მოსალოდნელია, რომ უახლოეს პერიოდში, "ბარსას" პრეზიდენტი, დირექტორთა საბჭოს რამდენიმე წევრს, თანამდებობის დატოვების შესახებ აცნობებს.
კლუბის პრეზიდენტი თავს დამაჯერებლად გრძნობს და ზედა საფეხურებზე ცვლილებების განსახორციელებლად მზად არის. წესდების მიხედვით, მას არ შეუძლია თანამდებობის პირების გათავისუფლება, მაგრამ ბართომეუს ექნება უფლება საბჭოს წევრები დააქვეითოს.
დაქვეითების კანდიდატები არიან ის დირექტორები, რომლებმაც კრიზისულ სიტუაციაში, პრეზიდენტის მიმართ უნდობლობა გამოხატეს.
საფრთხე პირველ რიგში ემილი რუსოს ემუქრება. რუსო "ბარსელონას" ვიცე-პრეზიდენტად, სულ რაღაც იანვარში დაინიშნა, თუმცა სიტუაცია ამ მცირე დროში რადიკალურად შეიცვალა და ბართომეუ მას აღარ ენდობა.
როგორც ამბობენ, ბართომეუს საკუთარი პოზიციები საკმარისად მყარად მიაჩნია იმისათვის, რომ ასეთი რადიკალური ნაბიჯები გადადგას.
ამ სიახლეზე კომენტარები გათიშულია.
კომენტარები [ 5 ]