ვისი დათმობა მოუწევს "ბარსას" ნეიმარისა და ლაუტაროსთვის
Mundo Deportivo-ს ცნობით, "ბარსას" ნეიმარისა და ლუტაროს ამავე ზაფხულში დამატება სურს, რაც მარტივი ნამდვილად არ იქნება.
Daily Mail კი იუწყება, რომ ამ ორი ფეხბურთელის ტრანსფერი კატალონიურ კლუბს 300 მილიონი ევრო დაუჯდება, რის გამოც რამდენიმე ფეხბურთელის გაყიდვა მოუწევს. ყველაზე მოსალოდნელი მოთამაშეები კი, რომელთაც ზაფხულში "კამპ ნოუს" დატოვება მოუწევთ, ფილიპე კოუტინო, ანტუან გრიზმანი და უსმან დემბელე არიან. თუმცა, Daily Mail ამ ტრიოს სავარაუდო მომავალ კლუბებს არ ასახელებს.
როგორც წინათ აღნიშნული სიახლეებიდან ვარკვევთ, ფელიპე კოუტინიო "ტოტენჰემ ჰოტსპურისა" და "ლესტერის" რადარებზე გამოჩნდა. გავრცელებული ჭორების თანახმად, კატალონიელები მას 80 მილიონ ევროდ შეელევიან.
რაც შეეხება გრიზმანს, ის, შესაძლოა, ნეიმარის ტრანსფერში ჩართონ. დემბელეს მომავალი კი, ჯერჯერობით, ბურუსითაა მოცული.
უშუალოდ ნეიმარისა და ლაუტაროს ტრანსფერების შედარებისას უნდა ითქვას, რომ ლაუტაროს დამატება უფრო პრიორიტეტულია, ნეიმარის კი სტრატეგიულ სვლად არის "ბარსას" ხელმძღვანელობისთვის აღქმული.
"ბარსელონას" იმედი აქვს, რომ კორონავირუსული ეპიდემიით გამოწვეული პაუზის შემდეგ, პსჟ ნეიმართან დაკავშირებით მოლაპარაკებებს დათანხმდება. დიდი ალბათობით, ფრანგული გუნდის მთავარი მიზანი კილიან მბაპეს შენარჩუნება იქნება, რომელსაც მადრიდის "რეალს" აქტიურად უკავშირებენ.
ამ სიახლეზე კომენტარები გათიშულია.
კომენტარები [ 9 ]