რა ღირს "ბარსას" 3 მთავარი სატრანსფერო სამიზნე?
"ბარსელონასთვის" 2019-20 წლების სეზონი ისე არ წარიმართა, როგორც კლუბის ხელმძღვანელობა მოელოდა. შესაბამისად, კლუბში დარწმუნდნენ, რომ შემადგენლობას გაძლიერება აუცილებლად სჭირდება.
2020 წლის ზაფხული "ბარსასთვის" საკმაოდ მნიშვნელოვანი იქნება, პირველ რიგში, კლუბში მომსვლელი ფეხბურთელების მხრივ. მათ სიაში მოწინავე სამი ფეხბურთელი ლაუტარო მარტინესის, ნეიმარისა და დაიო უპამეკანოს სახით არის წარმოდგენილი.
კორონავირუსული ეპიდემიის გამო ევროპაში შეჩერებულმა სპორტულმა აქტივობებმა ყველა საფეხბურთო გუნდზე იმოქმედა, შესაბამისად, ის ფასები, რაც აღნიშნულ ფეხბურთელებზე 2020 წლამდე იყო მიჩნეული, ამ ზაფხულისთვის მნიშვნელოვნად შემცირდება.
"ლაიფციგის" მცველის, დაიო უპამეკანოს ფასი Transfermarkt-ზე 50 მილიონ ევროა. თუმცა, გლობალური კრიზისის გამო, სატრანსფერო ფასების 30%-ით შემცირებას ვარაუდობენ. აქედან გამომდინარე, ბარსელონას ეს ტრანსფერი დაახლოებით 35 მილიონი ევრო დაუჯდება.
ლაუტარო მარტინესის გამოსასყიდად, გავრცელებული ინფორმაციით, "ბარსას" "ინტერისთვის" 111 მილიონი ევროს გადახდა მოუწევდა, თუმცა იმავე მიზეზით 30%-იანი შემცირების გამო არგენტინელის გამოსასყიდი თანხა 78 მილიონი ევრო გახდება.
რაც შეეხება ნეიმარს, მის "კამპ ნოუზე" დაბრუნებაზე ბევრი იწერება. გავრცელებული ჭორების თანახმად, "პსჟ" 150 მილიონ ევროზე თანახმაა, 30%-იანი შემცირებით კი ეს ფასი 105 მილიონამდე დაიწევს.
ამ სიახლეზე კომენტარები გათიშულია.
კომენტარები [ 11 ]