"ბარსელონას" ჰავერცისთვის ბრძოლაში 4 კონკურენტი ჰყავს
სიახლე არაა, რომ "ბარსელონა" "ლევერკუზენის" შემტევი ნახევარმცველით, კაი ჰავერცით დაინტერესებულია. თუმცა, როგორც ცნობილი ხდება, "ბლაუგრანას" 20 წლის ფეხბურთელის შესაძენად ბრძოლა 4 კლუბთან მოუწევს.
ბრიტანული Sky Sports-ის ინფორმაციით, მიმდინარე სეზონის შემდეგ ჰავერცის "ლევერკუზენში" დარჩენა, ფაქტობრივად, გამორიცხულია. როგორც ირკვევა, პერსპექტიული მოთამაშეთი, "ბარსელონას" გარდა, "იუვენტუსი", "ბაიერნი", "მანჩესტერ იუნაიტედი" და "რეალი" ინტერესდებიან.
კაი ჰავერცი "ლევერკუზენის" აღზრდილია. გერმანელთა პირველ გუნდში ის 2016 წლიდან ირიცხება. მან ამ სეზონში 34 მატჩი ჩაატარა, 10 გოლი გაიტანა და 8 შედეგიანი გადაცემა გააკეთა. ახალგაზრდა ფეხბურთელს კლუბთან მოქმედი კონტრაქტის ვადა 2022 წლის ზაფხულში ეწურება.
ცნობილია, რომ ჰავერცის სატრანსფერო ღირებულება 100 მილიონ ევროს შეადგენს.
ამ სიახლეზე კომენტარები გათიშულია.
კომენტარები [ 2 ]