მესი - "ბარსელონას" ახალი ფინანსური დირექტორი
კორონავირუსმა მსოფლიო დღის წესრიგი შეცვალა. საერთო მტერმა თითქმის ყველა სფერო მოიცვა და დაპირისპირებულ მხარეებს უკან დახევა აიძულა. მათ შორის პოლიტიკაში.
"ბარსელონაში" ყველაფერი პირიქით მოხდა. იმის მაგივრად, რომ "ბარსა" უხილავ მტერთან ბრძოლაში გაერთიანებულიყო, სრულად გამოვლინდა და გამოაშკარავდა ის დაძაბულობა, რაც კლუბში სუფევს.
ხელმძღვანელობასა და ფეხბურთელებს შორის რომ განხეთქილებაა, ამაზე მესის საჯარო განცხადებები მიუთითებს. წესით და რიგით ეს საჭირო არ უნდა ხდებოდეს, მაგრამ კლუბიდან იმდენად წინააღმდეგობრივი ინფორმაცია ვრცელდება, რომ მესი იძულებულია პირდაპირ ფანებს მიმართოს.
გუშინ, ბართომეუმ დაადასტურა მესის სიტყვები და განაცხადა, რომ მესიმ პირველივე დღეს ურჩია ხელფასების შემცირება. ბართომეუს ამ განცხადებას თითქოს კონფლიქტი უნდა ამოეწურა, მაგრამ As-ის ჟურნალისტი, ალფრედო რელანო, ხაზს უსვამს იმ დეტალს, რომ "ბარსელონას" ფინანსური საქმიანობაც კი მესის ნება-სურვილზეა დამოკიდებული და რომ არა მისი ინიციატივა, არავინ იცის, ხელმძღვანელობა რას მოიმოქმედებდა.
ისმის კითხვა - რა საჭიროა გუნდში ფინანსური დირექტორი?
ადრე იგივე კითხვა გაჩნდა აბიდალთან მიმართებაში, რადგან მესი პირდაპირ საუბრობს იმ ფეხბურთელებზე, ვისი ხილვაც სურს გუნდში.
იქნებ "ბარსამ" დირექტორთა საბჭოს თანამშრომლები შეამციროს?! ამით თანხა დაიზოგება, საქმეს კი მესი გაუძღვება.
ამ სიახლეზე კომენტარები გათიშულია.
კომენტარები [ 5 ]