"ვესტ ჰემს" ბრეითუეიტის შეძენა სურს
"ვესტ ჰემს" მარტინ ბრეითუეიტის შეძენა სურს. დანიელი "ბარსაში" სულ მცირე ხნის წინ გადაბარგდა. The Sun იუწყება, რომ "ჩაქუჩები" ახალ თავდამსხმელს ეძებენ და იმედოვნებენ, რომ დანიელი ფორვარდის შეძენას შეძლებენ.
გასულ კვირას, Diario Sport-მა გაავრცელა ანალოგიური ინფორმაცია, იმის შესახებ, რომ ბრეითუეიტის შეძენას "ევერტონი" ეცდება. როგორც ჩანს, პრემიერ ლიგის კლუბებს ერთმანეთთან კონკურენცია მოუწევთ. თუმცა, იგივე გამოცემა იუწყება, რომ "ბარსელონას" არ სურს თავდამსხმელის გაყიდვა, რომელიც "ლეგანესიდან" 18 მილიონი ევროს სანაცვლოდ გადმოიბირა.
დანიელმა "ბარსელონაში" გადმოსვლამდე 24 შეხვედრაში მიიღო მონაწილეობა, ექვსი გოლი გაიტანა და ერთი საგოლე გადაცემა შეასრულა. ბრეითუეიტმა პრემიერ ლიგაში თამაში უკვე მოასწრო. ის "ლეგანესამდე" "მიდლსბროს" ღირსებას იაცავდა.
სპეციალური დებულების შედეგად, რომელიც ლა ლიგაში ამოქმედდა, "ბარსელონას" მიეცა შესაძლებლობა ფეხბურთელი თებერვალში დაემატებინა. დანიელმა "ბარსელონასთან" ოთხწლიანი კონტრაქტი შეათანხმა, რომლის გამოსასყიდ თანხად 300 მილიონი ევროა მითითებული.
ამ კონტრაქტიდანაც კარგად ჩანს, რომ "ბარსელონას" ბრეითუეიტთან დაკავშირებით სხვა გეგმები აქვს.
ამ სიახლეზე კომენტარები გათიშულია.
კომენტარები [ 6 ]