"მანჩესტერი" გრიზმანს შვიდნომრიან მაისურს უმზადებს
"მანჩესტერ უნაიტედი" ზაფხულში ანტუან გრიზმანის გადაბირებას ეცდება.
El Mundo Deportivo-ს ინფორმაციით, გრიზმანისთვის, კლუბის ყველაზე სიმბოლურ, შვიდნომრიან მაისურს ამზადებენ, რომელიც ბოლოს ყოფილ "ბარსელონელ" ალექსის სანჩესს ეცვა.
"წითელ ეშმაკებს" ფრანგის ხელში ჩაგდება ჯერ კიდევ 2017 წელს სურდათ, მაგრამ მაშინ გრიზმანი ხელშეუხებელი იყო, რადგან "ატლეტიკოს" სატრანსფერო შეზღუდვა დაუწესდა და გუნდი ლიდერის გაშვებით კატასტროფულ მდგომარეობაში ჩავარდებოდა.
გრიზმანი "ბარსელონაში" 120 მილიონ ევროდ გადმოვიდა, მაგრამ ჯერჯერობით ვერ თამაშობს იმ დონეზე, რასაც მისგან ელოდნენ.
Diario Sport-ის ინფორმაციით, "ბარსელონა", გუნდის განახლებას სწორედ გრიზმანის გაყიდვიდან შემოსული თანხით შეძლებს. კლუბი მზად არის, ფრანგი, 100 მილიონი ევროს სანაცვლოდ დათმოს. თანხა კი ნეიმარის ან ლაუტარო მარტინესის ტრანსფერში გამოიყენოს.
"ბარსელონაში" იმედოვნებდნენ, რომ დემბელესა და სუარესის ტრავმების შემდეგ, გრიზმანი კლუბის ერთ-ერთი ლიდერი გახდებოდა, მაგრამ ეს ასე არ მოხდა.
ამ სიახლეზე კომენტარები გათიშულია.
კომენტარები [ 9 ]