"ბარსელონაში" კორონავირუსის პირველი შემთხვევა დაფიქსირდა
კორონავირუსმა "ბარსელონაშიც" შეაღწია. ვირუსი, რომელიც მთელი მსოფლიოს თავსატკივრად იქცა, კატალონიელთა სკაუტს, ანდრე კურის დაუდასტურდა.
Mundo Deportivo-ს ცნობით, ანდრე კურის მხოლოდ სიცხე აქვს, რის გამოც ის მკურნალობას სახლში განაგრძობს და არა საავადმყოფოში. კურისთან ერთად, ვირუსი დაუდასტურდა მის მეუღლესაც.
ივარაუდება, რომ კური ბრაზილიის ქალაქ პორტუ ალეგრეში, ადგილობრივი კლუბის პრეზიდენტთან, მარსელო მედეიროსთან კონტაქტის დროს დაინფიცირდა.
ბრაზილიაში, სადაც ამჟამად ანდრე კური იმყოფება, კორონავირუსით დაავადების 1201 შემთხვევაა დაფიქსირებული, მათგან 18 კი ლეტალურად დასრულდა.
ანდრე კური "ბარსელონას" სკაუტია სამხრეთ ამერიკაში. სწორედ მისი დამსახურებაა 2013 წელს ნეიმარის "სანტოსიდან" "ბარსელონაში" გადმოსვლა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]