"ბარსელონა" "შალკეს" ნახევარმცველს აკვირდება

"ბარსელონამ" თვალი "შალკეს" მაროკოელ შემტევ ნახევარმცველს, ამინ არიტს დაადგა. ამ ინფორმაციას კატალონიური Sport ავრცელებს.

ამინ არიტი "შალკეს" 2017 წელს ფრანგული "ნანტიდან" შეუერთდა. 22 წლის ფეხბურთელი გელზენკირხენთა რიგებში ძალიან კარგად გამოიყურება, რითიც მან "ბლაუგრანას" ყურადღების მიქცევა შეძლო.

წყაროს ცნობით, კატალონიელები ყურადღებით აკვირებიან მაროკოელ შუახაზელს, რომელიც სექტემბერში გერმანიის ჩემპიონატის თვის საუკეთესო ფეხბურთელადაც კი აღიარეს.

არტიმა ბუნდესლიგის მიმდინარე სეზონში 24 მატჩი ჩაატარა, 6 გოლი გაიტანა და 4 შედეგიანი გადაცემა გააკეთა. Transfermarkt მოთამაშეს 25 მილიონ ევროს აფასებს.