ფირპო: "ბარსელონამ" გვთხოვა, ფორმა არ დაგვეკარგა
ჟუნიორ ფირპო, სხვა ფეხბურთელების მსგავსად, კარანტინში იმყოფება. მოგეხსენებათ, COVID-19-ის ეპიდემიამ აუცილებელი გახადა, რომ ყველა პრესტიჟული ტურნირი გადაედოთ.
"ბარსელონას" განაპირა მცველი თვითიზოლაციის შესახებ საუბრობს:
"ამჟამად სახლში ვიმყოფები. გარეთ მხოლოდ ძაღლთან ერთად სასეირნოდ და მაღაზიებში გავდივარ. ამგვარად ყველა მოთამაშე იქცევა, რათა ჩვენს მშობლებს, მოხუცებს საფრთხე არ შევუქმნათ.
"ბლაუგრანას" წარმომადგენლებმა გვთხოვეს, რომ გვევარჯიშა, დიეტა არ დაგვერღვია და ფორმა არ დაგვეკარგა. რა თქმა უნდა, მცირედ ფორმიდან ამოვარდნა გარდაუვალია, რადგან ყველაფერი ადრინდელივით არ მიდის. პირადი სავარჯიშო მწვრთნელი მყავს, რომელიც მეხმარება და საქმეს მიადვილებს.
თავისუფალ დროს ჩემს ცოლთან, გოგონასთან და მეგობრებთან ერთად ვატარებ. ვცდილობ, რაც შეიძლება მეტად გავერთო," - ციტირებს ფირპოს სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 2 ]