Sport: რაკიტიჩი "სევილიას" უმიზნებს
Sport-ის ინფორმაციით, ივან რაკიტიჩი "ბარსელონური" კარიერის დასრულების შემდეგ "სევილიაში" გადაბარგებას აირჩევს.
ცნობილია, რომ კატალონიური კლუბი ხორვატის წარმომადგენლებს არსებული სიტუაციის მოსაგვარებლად უკვე ესაუბრა. როგორც ჩანს, "ბლაუგრანა" მისი კონტაქტის გახანგრძლივებას, რომელიც 2021 წელში მთავრდება, არ აპირებს.
შესაბამისად, 32 წლის ვარსკვლავს ანდალუსიურ კლუბში დაბრუნება ეიმედება. ფაქტია, რომ "სევილიასა" და ივანს შორის კვლავაც ახლო ურთიერთობაა, მით უმეტეს, კლუბს მისთვის უკან დასაბრუნებელი კარი არასდროს ჩაურაზავს.
წყაროს ცნობით, რაკიტიჩის მსურველებმა ინტერესის შესახებ "ბარსას" აცნობეს. ახლა მთავარია, თუ რა ღირებულებას დაადებს ჟოზეპ მარია ბართომეუ ვარსკვლავს.
შეგახსენებთ, რომ ივანმა "სევილია" 2014 წელს სწორედ "ლურჯ-ბროწეულისფერთა" რიგებში სათამაშოდ დატოვა.
ამ სიახლეზე კომენტარები გათიშულია.
კომენტარები [ 9 ]