Sport: კიკე სეტიენი კოუტინიოს დაბრუნებით მოხარული იქნება
"ბარსელონას" მთავარი მწვრთნელი, კიკე სეტიენი, კლუბის ხელმძღვანელობისგან განსხვავებით, ფილიპე კოუტინიოს გუნდში დაბრუნებას მიესალმება. ინფორმაციას Sport ავრცელებს.
ბოლო პერიოდში, ბრაზილიელის მომავალთან დაკავშირებით უამრავი ურთიერთგამომრიცხავი ვერსია ვრცელდება. მიუნხენის "ბაიერნის" მესვეურებს კოუტინიოს გამოსყიდვასთან დაკავშირებით გადაწყვეტილება, ჯერ-ჯერობით, არ მიუღიათ. ფეხბურთელის მომავალს, აგრეთვე, რამდენიმე ინგლისურ კლუბს უკავშირებენ. თუმცა მის კატალონიაში შესაძლო დაბრუნებაზე არავინ საუბრობს.
იქმნება შთაბეჭდილება, რომ "ბარსელონა" 27 წლის ბრაზილიელის "მოცილებაზეა" გადასული და მის დაბრუნებაზე არ ფიქრობს. განსხვავებული აზრი აქვს კიკე სეტიენს, რომელიც კოუტინიოს ინიესტას როლში ხედავს და თვლის, რომ მას, თავისი ტექნიკური შესაძლებლობებით, წარმატების მიღწევა კვლავ შეუძლია.
გამოცემა წერს, რომ კლუბმა და სეტიენმა ზაფხულის სატრანსფერო გეგმებთან დაკავშირებით რამდენიმე შეხვედრა გამართეს და განხილვის ერთ-ერთი თემა, რა თქმა უნდა, კოუტინიოს მომავალიც იყო. საბოლოო გადაწყვეტილებას მაინც ხელმძღვანელობა იღებს, სეტიენის იდეებისა და ხედვების გათვალისწინებით.
ამ სიახლეზე კომენტარები გათიშულია.
კომენტარები [ 3 ]