"ბარსელონა" ონანას შეძენით ინტერესდება
"ბარსელონამ", მარკ-ანდრე ტერ შტეგენთან გართულებული მოლაპარაკებების ფონზე, ახალი მეკარის ძიება დაიწყო, ინფორმაციას Goal ავრცელებს.
"ბლაუგრანამ" თვალი ამსტერდამის "აიაქსის" 23 წლის ფეხბურთელს, ანდრე ონანას დაადგა. კამერუნელი ლა მასიას აღზრდილია და გუნდი 2015 წელს, 150 ათასი ევროს სანაცვლოდ დატოვა.
მოგეხსენებათ, რომ "ბარსელონა" და ტერ შტეგენი ახალი ხელშეკრულების პირობებზე ვერ თანმხდებიან. დავის საგანს შრომითი ანაზღაურების ოდენობა წარმოადგენს. მიუხედავად იმისა, რომ, როგორც ერთი, ასევე მეორე მხარის მთავარი მიზანი გერმანელის გუნდში დარჩენაა, შესაძლოა, კლუბს ზაფხულში ახალი მეკარის დამატება დასჭირდეს.
გამოცემა წერს, რომ თავად ონანას სურვილი კატალონიურ გუნდში დაბრუნებაა, თუნდაც ტერ შტეგენი დარჩეს და მასთან კონკურენცია მოუხდეს.
კამერუნელი მეკარის მიმართ ინტერესს, ასევე, "ჩელსი" და "ტოტენჰემი" გამოხატავენ.
ამ სიახლეზე კომენტარები გათიშულია.
კომენტარები [ 9 ]