"ნაპოლის" მდგომარეობა გართულდა, გუნდში საკადრო კრიზისია
ჩემპიონთა ლიგის 1/8-ფინალში "ბარსელონას" მეტოქეს, "ნაპოლის", პრობლემები მოეძალა. გარდა იმისა, რომ ნეაპოლელები ოპტიმალური სათამაშო ფორმისგან შორს იქნებიან, ჯენარო გატუზოს გუნდს სერიოზული საკადრო პრობლემებიც ექნება.
ამ დროისთვის ტრავმირებულია გუნდის დაცვის ცენტრის ლიდერი კალიდუ კულიბალი, რომელმაც "ბარსელონასთან" პირველი შეხვედრაც გამოტოვა. ჯერჯერობით უცნობია, მოასწრებს თუ არა სენეგალელი უკანახაზელი 18 მარტამდე გამოჯანმრთელებას.
1/8-ფინალის პირველ შეხვედრაში, "ბარსელონას" წინააღმდეგ, კულიბალი ნიკოლა მაქსიმოვიჩმა შეცვალა. თუმცა, La Gazzetta dello Sport-ის ცნობით, სერბმა ფეხბურთელმა, ბოლო ვარჯიშზე, კუნთის ტრავმა მიიღო და ის გუნდს ერთი თვით გამოაკლდა. ეს კი იმას ნიშნავს, რომ მაქსიმოვიჩის "ბარსელონასთან" თამაში გამოირიცხა.
ამჟამინდელი მდგომარეობით, გატუზოს 2 ვარიანტი აქვს: დაცვის ცენტრში მანოლასს მარჯვენა მცველი დი ლორენცო, ან ნაკლები გამოცდილების მქონე ლუპერტო შეუწყვილოს.
ამ სიახლეზე კომენტარები გათიშულია.
კომენტარები [ 11 ]